Мемлекет басшысының "Ana tili"газетіне берген сұхбаты талқыланды

География және табиғатты пайдалану факультетінде мемлекет Басшысының факультеттің кеңейтілген Ғылыми кеңесінде "Ana tili" газетіне берген сұхбаты талқыланды. Мемлекет басшысының сұхбатындағы негізгі тезистерді география ғылымдарының кандидаты, география, жерге орналастыру және кадастр кафедрасының аға оқытушысы Мылқайдаров Әлім Төлекұлы таныстырды. Сұхбатты талдай отырып, спикер өз сөзінде мынадай тармақтарды атап өтті: Қазақстан Республикасының ішкі және сыртқы саясаты; экологиялық проблемалар; Ұлттық инфрақұрылым; цифрландыру және жасанды интеллект.  Экологиялық қауіпсіздік тақырыбы және "адам қауіпсіздігі тұжырымдамасы" 8 категориядан тұрады: экономикалық қауіпсіздік, сауда қауіпсіздігі, денсаулыққа байланысты қауіпсіздік, экологиялық қауіпсіздік, жеке қауіпсіздік, әлеуметтік қауіпсіздік, қоғамдық қауіпсіздік, саяси қауіпсіздік. Жаһандану кезеңінде осы қауіпсіздік жүйелерінің әрқайсысы ерекше орын алады.

Бұл іс - шара ТДМ 4 - сапалы білім беруді жүзеге асыруға бағытталған; ТДМ 8 – лайықты жұмыс және экономикалық өсу; ТДМ 11 – Тұрақты қалалар мен елді мекендер; ТДМ 13 – климаттың өзгеруіне қарсы күрес; ТДМ 15-құрлық экожүйелерін сақтау.