Әл-Фараби мұрасы тақырыбындағы кураторлық сағат Табиғи-техногендік қауіп-қатерлер мамандығының студенттерімен өткізілді. Бұл шараның мақсаты – студенттерге қазақ философиясының негізін қалаушы, ойшыл Әл-Фараби жайлы тереңірек түсінік беру, оның мұрасының қазіргі заманғы ғылым мен қоғам үшін маңыздылығын түсіндіру және нақыл сөздерімен таныстыру болды.
Кураторлық сағатқа философия және саясаттану факультетінің философия кафедрасының доценті, философия ғылымдарының кандидаты Асқар Лесхан Әмірханұлы арнайы шақыртылды. Ол өз сөзінде Әл-Фарабидің философияға қосқан үлесі, оның адамзаттық құндылықтарға қатысты ойлары мен қазіргі қоғамға әсері туралы ерекше айтып өтті. Асқар Лесхан Әмірханұлы Әл-Фарабидің білім мен ғылымға деген көзқарасын, оның әлеуметтік және табиғи дүниеге деген терең түсінігін студенттерге қызықты әрі түсінікті түрде жеткізе білді.
Кураторлық сағат барысында студенттер Әл-Фарабидің еңбектері мен философиялық мұрасына қатысты сұрақтар қойып, пікір алмасты. Сонымен қатар, ойшылдың табиғи және әлеуметтік қауіп-қатерлерді зерттеудегі көзқарастары мен әдіснамалары талқыланды. Студенттерге Әл-Фарабидің қоғамның тұрақты дамуы мен үйлесімділікке қатысты айтқан ойлары бүгінгі таңда өзекті екендігі түсіндірілді.
Бұл шара студенттерге Әл-Фарабидің философиясын тереңірек түсінуге, оның мұрасының қазіргі ғылым мен білім саласындағы орны мен рөлін бағалауға мүмкіндік берді. Кураторлық сағаттың нәтижесінде жастардың бойында қазақтың ұлы ойшылының философиясына деген қызығушылық артты, сондай-ақ олардың болашақта қоғамдық мәселелерге терең әрі жауапкершілікпен қарауына ықпал етті.
