«Құрлық экожүйелерін сақтау» 15 ТДМ аясындағы «Құстарды тамақтандыр!»
2024 жылғы 23 қаңтарда «Құрлық экожүйесін сақтау» 15 ТДМ-ын іске асыру шеңберінде 6B05202 – Экология білім беру бағдарламасының 1 курс студенттері «Құстарды тамақтандыр!» акциясына қатысты. Бұл іс-шараны Тұрақты даму бойынша ЮНЕСКО кафедрасының аға оқытушылары О.А. Зубова, Б.Х. Тусупова және К.К. Хамитова ұйымдастырды. Ол жергілікті экожүйені қолдаудағы, сондай-ақ жастардың қыстайтын құстарға күтім жасау қажеттілігі туралы хабардар болуын арттырудағы маңызды қадам болды.
Акция аясында студенттер Алматы қаласындағы ботаника бағына құстарға арналған жемді тапсырды. Бұған дейін Ботаника бағының қызметкерлері қала тұрғындарынан құстарға жем әкелуді сұраған, өйткені түскен қалың қардың астынан олардың тамақ табуы қиындап кетті. Студенттер бұл үндеуді қолдап, қаланың биоалуантүрлілігін сақтауға үлесін қосатындарын көрсетті. Олар құстарға жемді жинап беріп қана қоймай, сонымен қатар қала тұрғындары арасында қыстайтын құстарға күтім жасаудың маңызы туралы ақпаратты таратуға көмектесті.
Студенттердің бұл акцияға қатысуы экожүйелерді қалпына келтіру, биоалуантүрлілікті сақтау және жануарлар мен өсімдіктердің тұрақты тіршілігін қамтамасыз ету сияқты 15 ТДМ үшін маңызды болатын тұрақты даму идеяларына тікелей байланысты. Студенттер жас ұрпақтың экожүйені сақтау мен жақсартуға ықпал ететін қаланың экологиялық мәселелерін шешуге қалай қатыса алатынын көрсетті. Олар ғылыми зерттеулерді жүргізумен қатар білім мен дағдыларын іс жүзінде шыңдайтын нақты экологиялық жобаларға белсенді қатысудың қаншалықты маңызды екенін түсінді. Бұл олардың кәсіби қызметтінде көмектесетін тұрақты экологиялық ойлауын қалыптастырудағы маңызды қадам болды.
