Шығыстану факультетінде Қытай Жаңа жылы «春节» өткізілді

2025 жылғы 5 ақпанда Шығыстану факультетінде «春节» (Қытай Жаңа жылы) атты мәдени іс-шара ұйымдастырылды. Іс-шараны Қытайтану кафедрасының эдвайзері Сапарбаева Нұржан Балтажанқызы жүргізді. Іс-шараға Қытайтану кафедрасының меңгерушісі Керімбаев Е.А., Шығыс Қиыр кафедрасының меңгерушісі Абаған А.Б., профессорлық-оқытушылық құрам және 1 курс студенттері, магистранттар мен докторанттар қатысты.
     Іс-шараның мақсаты – Қытай Жаңа жылының тарихы, маңызы мен дәстүрлерін терең таныстыру болды. Студенттер мен магистранттар Қытай Жаңа жылы, оның дәстүрлері мен атап өту ерекшеліктері, сондай-ақ дәстүрлі Қытай Жаңа жылдық тағамдары туралы көп мәлімет алды. Сонымен қатар, іс-шараға қатысушылар дәстүрлі Қытай Жаңа жылдық дастарханын әзірлеп, мерекені бірге атап өтті. Қатысушылар арасында Қытайдан келген магистранттар да болды, олар өз елдеріндегі мерекелер туралы тәжірибелерімен бөлісіп, айтып берді. 1 курс студенттері қытай тілінде Қытай Жаңа жылының дәстүрлері туралы сұрақтар қойды. Теориялық мәліметтерден бөлек, қатысушылар Қытайдың дәстүрлі ойындарымен танысып, викториналарға қатысты, сондай-ақ Қытай мәдениетіндегі қызыл конверттер (红包) сыйлау дәстүрі және осы мерекемен байланысты рәсімдер туралы пікір алмасты.
       Бұл мәдени іс-шара студенттерге Қытай мәдениеті мен тілін тереңірек танып-білуге мүмкіндік бергенімен қатар, олардың коммуникативтік дағдыларын арттырып, Қытай мерекесінің атмосферасына енудің керемет мүмкіндігін ұсынды.