Қытай халқының дәстүрлі "Шәй ішу" рәсімі
2025 жылдың 6 ақпанында Шығыстану факультеті Қытайтану кафедрасының доцент м.а., философия докторы (PhD) Анипина А.К. «6B02314 - Шетел филологиясы» мамандығының 1 курс студенттерімен Қытай Халық Республикасының Жаңа жыл мерекесіне орай «Шәй ішу» рәсімін өткізді.
Бұл рәсім қытай халқының шәй ішу дәстүрінің ерекшелігін көрсетіп, шәйдің қытай мәдениетіндегі маңыздылығын атап өтті. Шәй ішу рәсімі барысында тек ең жоғары сападағы шәй таңдалып, арнайы ыдыстар қолданылды: шәйді сақтайтын түтікше, суға арналған түпқойма, шәйді қайнатуға арналған жанарғы және шәй жапырақшаларына арналған пиала. Мерекенің мақсаты – студенттерді жаңа шәй сорттарымен таныстырып, оның дәмінен ляззат алу болды, бұл арқылы қытай мәдениеті мен дәстүрлерін тереңірек түсінуге мүмкіндік туды.
