Механика кафедрасының түлектері Astana Motors Manufacturing компаниясындағы мансаптық мүмкіндіктермен танысты

Университеттермен ынтымақтастық аясында Astana Motors Manufacturing өкілдері механика кафедрасының студенттеріне арналған презентация өткізіп, жаңа зауыттағы жұмысқа орналасу және мансаптық өсу мүмкіндіктері туралы баяндады.

Компания жеңіл автокөліктер шығаратын толық циклді мультибрендті зауыттың құрылысын аяқтап, оны 2025 жылдың наурызында іске қосуды жоспарлап отыр. Бұл аймақтағы ең ірі автозауыт, ол Chery, Changan, Haval маркалы көліктерді өндіретін болады.

Зауыт туралы негізгі деректер:

🚗 ТМД-дағы осы көлемдегі жалғыз мультибрендті кәсіпорын
🏭 Аумағы – 200 000 шаршы метр
📈 Өндірістік қуаты – жылына 90 000 автокөлікке дейін

Презентация барысында түлектер ашық вакансиялар, мансаптық өсу мүмкіндіктері және жұмыс шарттары туралы ақпарат алды. Студенттер өндіріс процесі, тағылымдамадан өту және кәсіби даму мүмкіндіктері жайлы сұрақтар қойып, белсенді қатысты.

Тұрақты даму мақсаттарымен (ТДМ) байланысы:

🔹 ТДМ 4 – Сапалы білім (жас мамандарды даярлауды қолдау)
🔹 ТДМ 8 – Лайықты еңбек және экономикалық өсім (жаңа жұмыс орындарын ашу)
🔹 ТДМ 9 – Индустрияландыру, инновация және инфрақұрылым (өңірлік өндірісті дамыту)

Ахметова Балжан Ибрагимқызы,
Ғылыми-инновациялық қызмет және халықаралық байланыстар жөніндегі кафедра меңгерушісінің орынбасары.