Студенттер кәсіпорынға барды

Ұлттық даму жос­па­рында (2029 жылға де­­­йінгі) білім беру жүйе­­сінің қолжетім­ді­лігі мен сапасы елдегі адами капиталдың са­пасын, еңбек өнім­ді­лігінің деңгейін және маман­дар­­дың бәсекеге қа­бі­лет­­тілігін анықтай­ты­ны атап өтілді. Білім берудің тиімділігіне әсер ететін негізгі фак­­торлардың бірі оның еңбек нарығы­ның өзгеріп отыратын талап­та­рына сәйкестігі екені даусыз.

Химия және химиялық тех­но­логия факультетінде түрлі химиялық өндірістерге қажетті дағдысы бар мамандар даяр­ла­нады. Факультеттің оқы­ту­шы-профессорлық құрамы жұ­­­­мыс берушілер тарапынан бі­лім беру қызметіне объек­тивті сараптамалық баға беру, білім беру бағдарламалары мен оқу процесіне қажетті өз­ге­рістер енгізу үшін отандық өн­дірістік кәсіпорындармен үне­мі байланыста болады. Хи­мия және химиялық технология факультетінің «Химия» білім беру бағдарламасы бойынша оқитын 4-курс студенттері «Тұр­мыстық химия тауарларын сараптау» пәні аясында «Goldman and Young» ЖШС-на бар­ды.

Бұл өндіріс жоғары сапалы тұрмыстық химия, жеке гигие­на, дезинфекциялау құралда­рын әзірлеу және өндірумен ай­налысады. Студенттерге шы­­­­ғарылатын өнімдер, өнім­дерді әзірлеу тәсілдері, олар­ды талдау әдістері туралы ақ­­­парат берілді. Кәсіп­орын­ның жұ­мысы туралы әзірлеу бө­лі­мі­нің басшысы Е.Нику­ли­на ке­ңі­нен айтып берді, ол кәсіп­орын­ның барлық зерт­ха­наларын, соның ішінде тұр­мыс­тық химия өндірісіне су дайындау зертханасын, өнім сапасын бақылау зертханасын, шығарылатын өнімге арналған орау материалдарын өндіру цехын көрсетті. Жуғыш және кос­метикалық құралдарды әзір­­леу бөлімінің қызметкері Т.Бимурзаева зауыттың тұр­мыс­тық және косметикалық өнім­дерін әзірлеу ерек­ше­лік­тері жайында баяндады. Кез­де­су барысында студенттер әзірлеу зертханасының қыз­мет­керлерімен бірлесіп жа­са­лып жатқан өнімнің қажетті ин­гредиенттерін өз бетінше таңдап, қолға арналған сұйық сабын дайындады. Олар әзір­леніп жатқан құралдың әрбір ком­понентінің қажеттілігін ғы­лыми тұрғыдан негіздеді, ал­ған білімін тәжірибеде қол­да­нып көрді.

«Goldman and Young» ЖШС-інде химия және химиялық тех­но­логия факультетінің түлек­те­рі жұмыс істейді және олар сұранысқа ие. Сондықтан бұл кездесу 4-курс студенттерінің «Тұрмыстық химия тауарларын сараптау», «Химиялық техноло­гия негіздері», «Қоршаған орта объектілерін аналитикалық ба­қылау» пәндері бойынша прак­тикалық білімдерін кеңейту және болашақ маманның ман­са­бын жоспарлау үшін ма­ңыз­ды. Осы кәсіпорынның мы­са­лында студенттер ғылымның экономикалық өсуге ықпал ететін және азаматтардың өмір сүру сапасын жақсартатын тех­нологиялық иннова­ция­лар­дың негізі екеніне көз жеткізді. Сондай-ақ Тұрақты даму мақ­сат­тарының №12 (жауапты тұ­тыну және өндіріс) қағидат­та­рының іске асырылуын көрді. Өйткені бұл өндірісте химиялық заттар мен қалдықтарды адам денсаулығына және қоршаған ортаға теріс әсерін барынша азайту үшін олардың ауаға, суға және топыраққа түсуін азайту жөніндегі халықаралық қа­ғи­дат­тарға сәйкес эколо­гия­лық ұтымды пайдалану ес­ке­ріл­ген.

Ақбота ӘДІЛБЕКОВА,

Аналитикалық, коллоидты химия және сирек элементтер технологиясы кафедрасының қауымдастырылған профессоры

Мерей ДОСАЙ,

«Химия» ББ 4-курс студенті