Азаматтық құқық, азаматтық іс жүргізу және еңбек құқығы кафедрасы «Гендерлік теңдік мәселелері» тақырыбындағы Тұрақты даму мақсаттарын (ТДМ) іске асыру аясындағы ғылыми семинар өткізді.
Семинар барысында қатысушылар гендерлік теңдікті қамтамасыз ету, әйелдердің құқықтарын қорғау және ерлер мен әйелдердің тең мүмкіндіктерін қалыптастыру мәселелерін талқылады. Бұл тақырып бойынша құқықтық механизмдер мен ұлттық саясаттың рөлі де қарастырылды.
Іс-шараның мақсаты – гендерлік теңдік саласындағы заңнамалық өзгерістер мен жетістіктер туралы ақпарат беру, сонымен қатар ғылыми білім мен тәжірибе алмасу алаңын құру.
СПИКЕР: Карашева Ж.Т.
Негізгі қарастырылатын тақырыптар:
- Гендерлік теңдікті қамтамасыз ету жолындағы құқықтық құралдар
- Гендерлік стереотиптерді жеңу және әлеуметтік теңдікке қол жеткізу
- Қоғамдағы гендерлік теңдіктің рөлі мен дамуы
- Әйелдер мен ерлердің тең мүмкіндіктері: заңнамалық және әлеуметтік тұрғыдан
- Гендерлік саясаттағы халықаралық тәжірибелер мен статистикалық деректерді талдау
Семинарға қатысушылар гендерлік теңдікті жүзеге асыру үшін нақты ұсыныстар әзірледі. Олардың ішінде әйелдердің жұмыс нарығында тең құқықтар алуына жағдай жасау, сондай-ақ қоғамдағы гендерлік стереотиптерді жеңу мәселелері қарастырылды. Семинар қатысушылары өз пікірлерін білдіріп, жаңа идеяларын ұсынды, бұл білім беру мен әлеуметтік саясатта гендерлік теңдікті нығайтуға ықпал ететін маңызды қадамдар болды.
Бұл семинар гендерлік теңдікті қамтамасыз ету жолында маңызды қадам болып табылады және қатысушылар алған білімдерін кәсіби және азаматтық қызметінде белсенді пайдаланатынына сенім білдіреміз.
