Сұранысқа ие ғылыми еңбек қайта жарық көрді
13 ақпан, 2025
Әл-Фараби атындағы ҚазҰУ-дың 90 жылдық мерейтойы аясында Шығыстану факультетінің Қытайтану кафедрасының оқытушысы Серік Мұстафаұлының «Тұрақты тіркестердегі жергілікті ерекшеліктер» (Қытайдағы қазақтар тілі материалы бойынша) атты ғылыми монографиясы қайта басылып шықты.
Белгілі тілші, академик Ә.Т. Қайдардың бас редакторлығымен жарық көрген бұл еңбек Қытайдағы қазақ диаспорасының тілдік жағдайы мен ерекшеліктері туралы жан-жақты мәлімет береді. Монографияда қазақ тілінің тұрақты тіркестеріндегі жергілікті ерекшеліктер диалектология, тарихи лексикология, этнолингвистика және әлеуметтік лингвистика тұрғысынан терең талданған.
Еңбектің қайта басылып шығуы – қазақ тіл біліміндегі маңызды зерттеулерге деген сұраныстың жоғары екенін көрсетеді.
