«Тұрақты даму мақсаттарының (ТДМ)» «Тұрақты даму және серіктестік» тармағы аясында ирантану бөлімінің магистрантына алғыс хат табысталды

Иранның Алматыдағы Бас консулдығы Иран Ислам Республикасының Ұлттық күні мен Ислам революциясы жеңісінің 46 жылдығына орай Алматы қаласында салтанатты шара өткізді. Жиынға шығыстану факультетінің деканы, Таяу Шығыс және Оңтүстік Азия кафедрасының меңгерушісі, ирантану бөлімінің ұстаздары мен студенттері қатысты. Аталған іс-шара аясында кітап көрмесі ұйымдастырылып, ирантану бөлімінің 1 курс магистранты Гаухар Омарханованың парсы және қазақ тілдерінен аударған екі  еңбегі таныстырылды. Гаухардың аудармашылық еңбегі жоғары бағаланып, Иранның Бас консулы оған алғыс хат табыстады. Құттықтаймыз! Гаухарға жаңа жетістіктер мен шығармашылық табыстар тілейміз!