Қазақ тілі – ұлттық болмысымыздың айнасы

Президент Қасым-Жомарт Тоқаевтың «Ана тілі» газетіне берген сұхбаты – қазақ тілінің бүгіні мен болашағына бейжай қарамайтын әр азаматқа маңызды үндеу болды. Мемлекет басшысы мемлекеттік тілдің қоғамдағы рөлін нақты атап көрсетіп, оның дамуы үшін жүйелі әрі нақты қадамдар жасау қажеттігін алға тартты. Бұл сұхбат – жай ғана ресми мәлімдеме емес, ел болашағына бағытталған стратегиялық көзқарас. Президенттің тіл саясатына деген айқын ұстанымы қазақ тілінің толыққанды мемлекеттік тілге айналуына үлкен серпін береді.
Осы өзекті тақырыпты талқылау мақсатында Шетел филологиясы және аударма ісі кафедрасында кураторлық сағат өтті (14.02.25). Кездесу барысында қатысушылар Президент сұхбатындағы негізгі ойлармен танысып, бейнематериал қарады. Студенттер қазақ тілінің болашағы, оның ғылым мен білімдегі рөлі, сондай-ақ ұлттық бірегейлікті сақтау мәселелері бойынша пікір алмасты. Көпшілігі қазақ тілінің қолдану аясын кеңейту үшін нақты қадамдар жасау қажеттігін атап өтті.
Қатысушылар бұл кездесуді қазақ тілінің дамуына үлес қосуға серпін беретін маңызды талқылау ретінде бағалады.
🔹Кураторлық сағат Шетел филологиясы және аударма ісі кафедрасының докторанттары А. Сейсебаев, А. Бекен және топ эдвайзері Г. Искакова жетекшілігімен өтті.