«Салт-дәстүрді дәріптейік» атты тәрбиелік іс-шара

17 ақпан күні 17-жатақхананың мәжіліс залында куратор Игиликова Сымбат Игілікқызы «Қазақ филологиясы» мамандыңының 1 курс студенттерімен «Салт-дәстүрді дәріптейік» атты тәрбие сағатын өткізді. Салт-дәстүр — әр ұлттың, халықтың діні мен сеніміне, тұрмыс-тіршілігіне, ұлттық құрылым ерекшелігіне сәйкес ғасырлар бойы жинақталып, өмірдің өзі туғызған ғұрыптардың жиынтығы. Ал қазақ халқы салт-дәстүрге, әдет-ғұрыпқа өте бай халық. Әр заманның өзіне тән салты мен дәстүрі қалыптасқан. Заманның ағымына сәйкес дәстүрдің озығының қолданыста қалып, тозығы жеткендерінің ұмытылары сөзсіз. Соның айқын көрінісі ретінде бүгінде кей салт-дәстүрлер ұмыт болып, немесе өзгеріске ұшырағандары жетерлік. Сондықтан салт-дәстүрімізді ұлықтап, ұмыт бола бастағанын қайта жандандырып, болашақ ұрпаққа үйретіп, жалғастыру – ұлттық міндетіміз деп осы іс-шарада ұмыт болған салт-дәстүрлерді еске алу болды.