«Мақал-мәтелдердің жанрлық ерекшеліктері»

2025 жылдың 20 ақпанында филология факультетінің  қазақ әдебиеті және әдебиет теориясы кафедрасының аға оқытушы Саргелтаева Ардак Курманалықызының жетекшілігімен  ТДМ 4. “Сапалы білім беру” бағыты бойынша «Әдебиеттану» мамандығының I курс докторанты Манапбаева Жұлдыз Бекболатқызы «Қазақ филологиясы» мамандығының 2-курс студенттерімен «Халық ауыз әдебиеті» пәні бойынша «Мақал-мәтелдердің жанрлық ерекшеліктері» тақырыбында ашық семинар сабағын өткізді. Сабақтың негізгі мақсаты – мақал мен мәтелдің құрылымдық, жанрлық ерекшеліктерін ашу, олардың қазақ халқының дүниетанымы мен моральдық құндылықтарын жеткізудегі рөлін талқылау. Сабақ барысында студенттерді  топқа бөліп, белсенді әдістер қолданылды. Алғашқы бөлімде мақал мен мәтелдің негізгі айырмашылықтары мен олардың қолданылу аясы түсіндірілді. Теориялық материалдармен танысқан соң, студенттер түрлі ойын әдістеріне қатысып, шығармашылық жұмыстар жасады. Сабақтың қорытынды бөлімінде әр топ «Венн диаграммасы» арқылы мақал мен мәтелдің ерекшеліктерін талдап, пікірталас жүргізді. Студенттер қазіргі қоғамда мақал-мәтелдердің атқаратын қызметін, олардың жастар тәрбиесіндегі маңызын жан-жақты қарастырды. Семинар студенттерге халық ауыз әдебиетінің құндылығын терең түсінуге мүмкіндік берді. Олар мақал-мәтелдерді күнделікті өмірде қолданудың маңызын ұғынып, жаңа білімдерін практика жүзінде көрсете алды. Белсенділік жоғары деңгейде болды, әсіресе шығармашылық тапсырмалар қызығушылық тудырды.Семинар соңында студенттер өз пікірлерін Padlet тақтасы арқылы бөлісті. Көпшілігі сабақтың қызықты әрі пайдалы болғанын атап өтіп, мақал-мәтелдерге деген қызығушылықтарының артқанын білдірді.