Математика кафедрасының оқытушысы –Темешева Светлана Маратовна «ЖОО үздік оқытушысы – 2024» атағын иеленді

2025 жылдың 26 ​​ақпанында әл-Фараби атындағы ҚазҰУ-де «Жоғары оқу орнының үздік оқытушысы – 2024» және «Үздік ғылыми қызметкер» байқауларының жеңімпаздарын марапаттау рәсімі өтті. Лауреаттардың бірі «Жоғары оқу орнының үздік оқытушысы – 2024» атағына ие болған математика кафедрасының оқытушысы Темешева Светлана Маратовна болды. Бұл оның ғылыми жетістіктерін, ілгері зерттеулерін және математика ғылымының дамуына қосқан үлесін құрметпен мойындау. Оның еңбектері білім мен ғылымның дамуына зор үлес қосып, ғылыми-зерттеу ортасын қалыптастыруға және болашақ мамандарды дайындауға ықпал етеді.

Темешева Светлана Маратовнаны лайықты марапатымен құттықтаймыз және оған жаңа табыстар, шабыт және серпінді жаңалықтар тілейміз!

Бұл жетістіктер білім беру бағдарламаларын жетілдіруге және халықаралық деңгейде ғылымды дамытуға үлес қоса отырып, Тұрақты дамудың #4 мақсаты – «Сапалы білім беру» мақсатын жүзеге асырумен тікелей байланысты.

Иманбердиев Канжарбек,

Математика кафедрасының меңгерушісі

Мухамбеткалиев Мурат,

Математика кафедрасының оқытушысы