Қазіргі заманғы университет – бұл тек білім алу кеңістігі ғана емес, сонымен қатар экологиялық сананы қалыптастыру орталығы.

2025 жылғы 5 наурызда Қазақ ұлттық қыздар педагогикалық университетінің С. Қаниев атындағы ғылыми кітапханасында "Эко-білім: Университет – экологиялық сананың орталығы" тақырыбында дөңгелек үстел өтті. Бұл іс-шара эко-форум, квест және интерактивті станциялар форматында ұйымдастырылды. Оған 1-курс студенттері қатысып, экология мен білімнің үйлесімділігі туралы мағлұмат алды. Сондай-ақ, университеттің профессор-оқытушылар құрамының өкілдері өз жетістіктерімен және жаңа идеяларымен бөлісті!

Іс-шараның мақсаты – студенттердің экологиялық сауаттылығын арттыру және оларды қоршаған ортаны қорғау үшін нақты қадамдар жасауға ынталандыру. Іс-шараны әл-Фараби атындағы Қазақ ұлттық университетінің филология факультетінің 8D01704 – Орыс тілі мен әдебиеті мамандығының 1-курс докторанты Айгүл Исаева ұйымдастырып өткізді. Дөңгелек үстелде қатысушылар университеттердің тұрақты даму орталығына айналу жолдарын, өзекті экологиялық мәселелерді және білім беру орындарында экологиялық бастамаларды енгізудің табысты тәжірибелерін талқылады. Интерактивті станциялар барысында қатысушылар әлемдік жетекші университеттердің экологиялық жобаларымен танысты.Іс-шараның басты сәттерінің бірі "Болашақтың экологиялық университеті" квесті болды, онда студенттер кампустың экологиясын жақсарту бойынша өз идеяларын ұсынып, оларды жүзеге асырудың практикалық шешімдерін әзірледі. Сонымен қатар, студенттер мен оқытушылардың күнделікті өмірінде шағын өзгерістер енгізу арқылы экологиялық нәтижелерге қалай қол жеткізуге болатынын көрсететін интерактивті статистика ұсынылды.Іс-шара аясында студенттер Жаратылыстану институтының директоры, ғылым кандидаты, доцент Гаухар Уміралиқызы Байташевамен сұхбат өткізілді. Олар университеттің пластикалық қалдықтарды азайту бастамалары, экологиялық ізді төмендету жолдары және әрбір студенттің экологиялық процестерге қатысу мүмкіндіктері туралы сұрақтар қойды.

Іс-шара университеттің экологиялық саясатын одан әрі дамыту және тұрақты бастамаларды іске асыруда студенттердің белсенділігін арттыру мәселелерін талқылаумен аяқталды. Қатысушылар іс-шара сәттерімен әлеуметтік желілерде #ЭкоУниверситет #EcoCampus #ЖасылБолашақ хэштегтері арқылы бөлісті.

https://drive.google.com/file/d/1t35cZVNXKR0v1nbVaAYfW0BqGupg5oqo/view?usp=sharing