2025 жылдың 25 ақпанында филология факультеті, «Қазақ әдебиеті мен әдебиет теориясы» кафедрасының аға оқытушысы А.Қ.Саргелтаеваның жетекшілігімен, «Қазақ филологиясы» мамандығының 3-курс студенттерінің қатысуымен, «8D02304-Әдебиеттану» мамандығының 1-курс докторанттары Ж.Манапбаева мен Г.Утепбергенованың ұйымдастыруымен тұрақты даму мақсаттары (ТМД 5) аясында «Абай және гендірлік әдебиет» атты дөңгелек үстел өтті. Іс-шараның мақсаты – Абай поэзиясы мен қара сөздеріндегі әйел мен ер адам бейнелерін, олардың әлеуметтік рөлдерін қарастыру. Абай дәуіріндегі және қазіргі қазақ әдебиетіндегі гендерлік теңдік пен әйел образдарының эволюциясын талдау. Абай шығармаларындағы гендерлік идеялардың бүгінгі күнмен байланысын анықтау.
Дөңгелек үстелдің кіріспе бөлімінде тақырыпқа сай перезентациялық таныстырылым, «Абай өміріндегі әйелдер» тақырыбында видео-ролик көрсетілді.
Екінші бөлімде топ студенттері Еркебаева Айдана «Абай поэзиясындағы әйелдер бейнесі», Заурбек Айдын «Абай және махаббат лирикасы: ер мен әйел қарым-қатынасы», Қалдыбек Дильназ «Абай дәуіріндегі және қазақ әдебиетіндегі әйелдер образы» тақырыптарында баяндамалар жасады. Студенттер баяндамашыларға әр тақырып бойынша сұрақтар қойып, өз пікірлерін ортаға салды. Үшінші бөлімде қатысушылар арасында әдебиеттегі гендерлік тақырыптар бойынша ашық пікір алмасу мақсатында зияткерлік пікірталас өткізілді.
Абай шығармалары арқылы гендерлік теңдік, әйелдің қоғамдағы рөлі сияқты мәселелерге жастардың назарын аударту арқылы жастардың әдебиетке қызығушылығын арттыру мақсатында өткізлген іс-шараның қорытынды бөлімінде аға оқытушы А.Қ.Саргелтаева тақырып аясында жан-жақты көзқарастарды жинақтай отырып, шынайы өмір мен көркем шығармадағы әйелдер образын салыстыра отырып, бүгінгі тақырыпқа қорытынды жасады.
