«Green Campus» экологиялық бастамасы іс жүзінде: Халықаралық қатынастар факультетінде сенбілік өтті

Әл-Фараби атындағы Қазақ ұлттық университетінің Халықаралық қатынастар факультетінде факультет аумағын абаттандыруға бағытталған сенбілік ұйымдастырылды. Студенттер мен оқытушылар бірігіп, тазалықты сақтау және қоршаған ортаны жақсартуға деген әрекеттерін көрсетті.​

Қатысушылар факультет аумағын тазалау және жасыл аймақтарды абаттандыру жұмыстарымен айналысты, бұл факультет аумағында жайлы және эстетикалық орта қалыптастыруға ықпал етеді. Мұндай бастамалар кампус келбетін жақсартумен қатар, студенттер мен қызметкерлер арасында командалық рух пен жауапкершілікті нығайтады.​

Сенбілік «Таза Қазақстан» экологиялық акциясы аясында өтті, оның барысында ҚазҰУ-да «Green Campus» жобасы жүзеге асырылуда. Аталған акция келесі іс-шараларды қамтиды:​

• 12-15 наурыз – оқу ғимараттары мен жатақханаларға ішкі тазалық жұмыстарын жүргізу
• 15 наурыз  – ҚазҰУ қалашығында жалпыуниверситеттік сенбілік ұйымдастыру
• 15 наурыз – Алматы қаласына қарасты саябақтарды тазарту
• 15 наурыз – Велосипед күніне орай университетте «Көліксіз бір күн» акциясын ұйымдастыру
• 16 наурыз  – ҚазҰУ жатақханаларын тазарту жұмыстары
• 26 наурыз –  «Жарықсыз бір сағат» акциясын ұйымдастыру

Факультет әкімшілігі сенбілікке белсенді қатысып, экологиялық мәдениетті дамытуға үлес қосқан барлық қатысушыларға алғысын білдіреді. Мұндай іс-шараларды өткізу университет кеңістігінің тазалығы мен абаттандырылуын қолдауға бағытталған тұрақты тәжірибеге айналдыру жоспарлануда.

Халықаралық қатынастар және әлемдік экономика кафедрасының аға оқытушысы Апсаттарова Гулзада