"Стреске төзімділік психологиясы" тақырыбындағы тәрбиелік іс-шараның есебі
2025 жылдың 5 наурызында философия және саясаттану факультетінің, жалпы және қолданбалы психология кафедрасының докторанттары мен магистранты «Сау денсаулық және амандық» БҰҰ-ның Тұрақты даму мақсатына сәйкес ұйымдастырылған "Стреске төзімділік психологиясы" тақырыбындағы тәрбиелік іс-шарасын өткізді.
Тәрбиелік іс-шараның ұйымдастырушылары: Әл Фараби атындағы ҚазҰУ, Философия және саясаттану факультеті, жалпы және қолданбалы психология» кафедрасының 1-курс PhD докторанттары М. Д. Касымова, Э. Б. Ибраемова және 7М03125- психология мамандығының 1-курс магистранты Бақберген Е., жалпы және қолданбалы психология кафедрасының профессоры, психология ғылымдарының докторы С.Қ. Бердібаева және ассоциативті профессор Қалымбетова Э. К.
Қонақ-спикер ретінде Алматы облысы Полиция Департаменті, Қарасай ауданы Полиция басқармасының Тергеу бөлімінің тергеушісі Толғанай Дарханқызы сөз сөйледі. Ол өзінің кәсіби тәжірибесімен бөлісіп, құқық қорғау жүйесіндегі психологиялық аспектілер мен күрделі жағдайларда эмоциялық тұрақтылықты сақтаудың жолдары туралы айтып берді.
Стресске өте көп түсетін мамандықтардың бірі – полиция қызметі. Полицейлер күн сайын экстремалды жағдайларға тап болып, күрделі шешімдер қабылдайды, түрлі адамдармен, соның ішінде заң бұзушылармен жұмыс істейді. Полиция қызметкерлері қауіпті жағдайларда жұмыс істейді, бұл олардың психикалық денсаулығына айтарлықтай әсер етеді.
Кездесу барысында студенттер тергеуші мамандығының психологиялық жай-күйге қалай әсер ететінін, күйзелісті жеңуге және жұмыс пен жеке өмір арасындағы тепе-теңдікті сақтауға қандай стратегиялар көмектесетінін білді. Диалог мазмұнды әрі пайдалы болды. Қатысушылар өздерін қызықтырған сұрақтарын қойып, практикалық кеңестер алды.
Сонымен қатар, студенттермен түрлі психологиялық жаттығулар, тыныс алу техникалары, релаксациялық жаттығулар жасалынды. Іс-шараның практикалық маңыздылығымен қатар, теориялық қызықты ақпараттар айтылды. Стресс ұғымын түрлі қырлардан қарап көрдік.
Сөз кезегі студенттерге, сосын келген қонаққа, ұйымдастырушыларға және профессор Света Қыдырбекқызына беріледі. Іс-шараны қорытындылап, қатысушыларға тәттілер таратылды. Бірге фотосурет жасап, алғысымызды айтып, тәрбиелік іс шараны тәмамдадық.
Мұндай бастамалар психикалық денсаулықтың маңыздылығы туралы хабардарлықты арттыруға және жастарға құқық қорғау қызметімен байланысты кәсіби қиындықтарды жақсы түсінуге көмектеседі.
