«Салауатты өмір салты және әл-ауқат»

2025 жылдың 18 наурызында әл-Фараби атындағы ҚазҰУ-да орыс тілі оқытушысы Саньярова Н.С. Ф-207-1 тобының студенттерімен бірге «Салауатты өмір салты және әл-ауқат» тақырыбында дөңгелек үстел өткізді. Іс-шараға орыс тілі магистрі, аға оқытушы Ефимова А.Н. қатысты.

Кездесудің мақсаты – салауатты өмір салтын насихаттау және саналы түрде әл-ауқатқа ұмтылу. Студенттер презентациялар дайындап, білімдерімен бөлісіп, сұрақтарға жауап берді, сондай-ақ алкоголизм, нашақорлық және темекі шегу сияқты маңызды әлеуметтік мәселелерді талқылады. Бұл зиянды әдеттер адамның денсаулығына ғана емес, оның жақындарына да кері әсер етеді.

Талқылау барысында қатысушылар денсаулық – әр адамның жеке ісі ғана емес, сонымен қатар қоғам дамуының маңызды факторы деген қорытындыға келді. ҚазҰУ студенттер мен оқытушылардың денсаулығын нығайту үшін демалыс пен спортпен айналысуға жағдай жасайды.

Физикалық және рухани денсаулықтың өзара байланысты екені атап өтілді. Еңбек пен демалыс тәртібін сақтау, күйзеліске қарсы тұру және өзіңмен, айналаңдағы адамдармен үйлесімді өмір сүруге ұмтылу адамның өз әлеуетін жүзеге асыруына көмектеседі. Студенттер денсаулық – толыққанды өмір сүру үшін бағалы ресурс екенін атап өтті.