Жуырда Әл Фараби атындағы Қазақ ұлттық университетінің филология факультетінде 6B02306– Әдебиеттану мамандығының 2 курс студенттеріне «ХХ ғасырдағы қазақ әдебиеті» пәні аясында «Жамбыл және халық ақындары шығармашылығындағы әдеби көркемдік ізденістер» тақырыбында ашық семинар сабағы өтті. «Тұрақты даму мақсаттары 4. Сапалы білім беру» аясында өткен ашық семинар сабағын педагогикалық практика негізінде аға оқытушы Ш.Шортанбайдың, сондай-ақ қазақ әдебиеті және әдебиет теориясы кафедрасының аға оқытушысы, ф.ғ.д.Г.Ж. Болатованың жетекшілігімен «8D02310 - Иновациялық әдебиеттану» мамандығының 1 курс докторанты Әлібек Шегебаев жүргізді.
Жамбыл Жабаев және басқа да халық ақындары шығармашылығындағы әдеби көркемдік ізденістер қазақ әдебиетінің ерекше бір саласын құрайды. Бұл ізденістер негізінен ұлттық әдебиетіміздің ауызша дәстүрінен бастау алып, қазақ халқының рухани әлемін, мәдениетін және әлеуметтік өмірін терең бейнелеуге бағытталған. Жамбыл және басқа да халық ақындары өз шығармаларында түрлі көркемдік тәсілдер мен айшықты әдістерді пайдаланып, әдебиетке жаңа мазмұн мен форма енгізді. Олардың шығармашылығындағы көркемдік ізденістердің бірнеше негізгі аспектілерін атап өтуге болады:
Жамбылдың шығармалары бүгінде қазақ халқының ұлттық мәдениетінің бөлшегіне айналып, оның әдеби мұрасы ұрпақтан ұрпаққа жалғасып келеді.
Ашық сабақтың құрметті қонағы болып белгілі ақын, Қазақстанның еңбек сіңірген қайраткері, жамбылтанушы Бекжан Әшірбаев пен Жамбылдың шөбересі, белгілі аудармашы Бұлан Жамбыл қатысты.
Бекжан ақын Жамбылдың шығармашылғын жан-жақты зерделей келе, ақын мұралары бүгінгі күн көзқарасымен қайта қаралып, жаңа қырынан зерттелу керек деген пікірін білдірсе, ал, ақынның шөбересі Бұлан болса Жамбыл атасының көпшілікке беймәлім шежірелік тарихын тарата отырып, таңқаларлық тың деректердің тізгінін босатты.
Семинар сабағында сұрақ-жауап, шығармашылық және топтық жұмыс, талдау, интерактивті әдістер қолданылып, студенттер сабаққа белсенді қатысты. Ашық семинар сабағында жаңа тақырыпты талқылау мен студенттер тарапынан қойылған белсенді сұрақтарды талдау жұмысы да қарастырылды. Аталмыш сабақ жоғары ұйымдасқан әдістемелік деңгейде өтті және мақсат-міндеті орындалды.
Шоқан Шортанбай, аға оқытушы,
Әлібек Шегебай, «Иновациялық әдебиеттану»
мамандығының 1 курс докторанты
Басқа жаңалықтар
