Студенттердің жастар саясатындағы рөлі" тақырыбында ашық сабақ

02 сәуір 2025 жылы Әл-Фараби атындағы Қазақ ұлттық университетінде геодезия және картография мамандығының 2-курс студенттерімен "Студенттердің жастар саясатындағы рөлі" тақырыбында ашық сабақ өтті. Бұл іс-шараның мақсаты – жастар саясатының мәнін түсіндіру, студенттердің қоғамдағы белсенділігін арттыру және олардың азаматтық ұстанымдарын қалыптастыру болды. Сабақ барысында Қазақстан Республикасындағы жастар саясатының негізгі бағыттары, жастардың құқықтары мен міндеттері, сондай-ақ олардың әлеуметтік және экономикалық дамудағы рөлі талқыланды.

Студенттерге университеттегі жастар ұйымдары, еріктілік қозғалысы, өзін-өзі басқару құрылымдары және студенттік кәсіпкерлік бастамалары туралы ақпарат берілді. Жастардың тек білім алып қана қоймай, қоғам өміріне белсене араласуы маңызды екендігі айтылды. Ашық сабақ пікірталас форматында өтіп, қатысушылар жастар саясатын жетілдіру бойынша өз ұсыныстарын ортаға салды. Олардың пікірінше, студенттер жастар ұйымдары мен әлеуметтік жобаларға белсенді қатысуы, өз бастамаларын ұсынуы және қоғамдық істерге араласуы керек.

Қорытындылай келе, ашық сабақ студенттердің азаматтық жауапкершілігін нығайтып, олардың белсенді ұстанымын қалыптастыруға ықпал етті. Мұндай шаралар жастардың әлеуметтік белсенділігін арттырып, олардың қоғамдық мәселелерге бейжай қарамауына көмектесетіні анықталды. Алдағы уақытта жастар саясатына байланысты кездесулер мен пікірталастарды жиі өткізу, студенттерді қоғамдық жұмыстарға тарту, еріктілік қозғалысын дамыту ұсынылды.