«Мұздықтар, су және климат: бақылаудан шешімге дейін» атты халықаралық дөңгелек үстел ҚазҰУ-дың метеорология және гидрология кафедрасында өтті."

2025 жылғы 18 наурызда әл-Фараби атындағы Қазақ ұлттық университетінің география және табиғатты пайдалану факультетінің метеорология және гидрология кафедрасында маңызды ғылыми іс-шара – Мұздықтарды сақтау жылына арналған және Су ресурстары мен метеорологтар күніне орайластырылған халықаралық дөңгелек үстел өтті.

Іс-шара Қазақстан–Қытай бірлескен зертханасы базасында, сондай-ақ Zoom платформасында гибридті форматта өтті. Оған Қазақстан, Өзбекстан, Тәжікстан, Швейцария және Финляндия секілді елдерден келген 50-ден астам қатысушы қатысты.

🔹 Дөңгелек үстелдің мақсаты — мұздықтардың тозуы және оның су ресурстары мен климатқа тигізетін салдары мәселелерін талқылау болды.

🔹 Қатысушылар климаттың өзгеруі жағдайында үздіксіз мониторинг, халықаралық ынтымақтастық, ғылыми тәжірибе алмасу және бейімделу стратегияларының маңыздылығын атап өтті.

Баяндамалармен сөз сөйлегендер:

• Наталия Донохо мен Родика Ниту (Дүниежүзілік метеорологиялық ұйым, Швейцария) – Global Cryosphere Watch жобасы туралы;
• Лариса Когутенко (ЮНЕСКО, Алматы) – Орталық Азиядағы мұздықтарды сақтау жобалары жайында;
• Василий Капица (Орталық Азия өңірлік гляциологиялық орталығы) – орталықтың ғылыми қызметі туралы;
• Александр Махура және Ханна Лаппалайнен (Хельсинки университеті, Финляндия) – PEEX жобасындағы тәжірибемен бөлісті;
• Сонымен қатар, Қазгидромет, Өзбекстан, Тәжікстан және басқа ұйымдардан келген сарапшылар да сөз сөйледі.

Көтерілген мәселелер мен талқылаулар:

• Жаһандық және аймақтық климаттық тенденциялар;
• Мұздықтарды мониторингтеу мен модельдеудің заманауи технологиялары;
• Климаттың өзгеруінің су ресурстары балансына әсері;
• Бейімделу бойынша практикалық тәсілдер.

Әр сессиядан кейін зал мен Zoom арқылы ашық пікірталас ұйымдастырылып, жас зерттеушілер мен тәжірибелі мамандардың белсенді қатысуына мүмкіндік берілді.Дөңгелек үстелді  қорытындылай келе келісі ұсыныстар айтылды:

• Университетаралық және халықаралық ынтымақтастықты күшейту;
• Гляциология мен климатология саласындағы білім беру және ғылыми бағдарламаларды қолдау;
• Мұздықтарды бақылауға арналған цифрлық платформалар құру;
• Университеттердің ВМО мен ЮНЕСКО секілді халықаралық ұйымдардың бастамаларына белсенді араласуы.

Дөңгелек үстел — университеттің жаһандық ғылыми диалогқа арналған алаң ретіндегі рөлін, сондай-ақ аймақтардың тұрақты дамуына әсер ететін маңызды мәселелер бойынша шешімдерді іздеу үдерісіндегі маңызын нақты көрсетті.