«ҰЛТТЫҚ ҚҰНДЫЛЫҚТАР – ТӘРБИЕНІҢ ТҮП ҚАЗЫҒЫ»

2025 жылдың 03 сәуірінде №4 тұрақты даму мақсаты  "Сапалы білім" шеңберінде «ҰЛТТЫҚ ҚҰНДЫЛЫҚТАР – ТӘРБИЕНІҢ ТҮП ҚАЗЫҒЫ» атты іс-шарасы өткізілді. Іс-шараға Әл-Фараби атындағы Қазақ ұлттық университетінің Физика-техникалық  және Журналистика факультеттерінің  қазақ және орыс бөлімдерінің 1-курс студенттері қатысты.

​2025 жылдың 14 наурызында Бурабайда өткен IV Ұлттық құрылтайда Президент Қасым-Жомарт Тоқаев ұлттық құндылықтар мен ұлттық киімдерге қатысты маңызды мәселелерді көтерді. Ол ұлттық құндылықтарды сақтау мен дамыту қажеттігін атап өтіп, ұлттық киімдердің мәдени мұрамыздағы ерекше орнын ерекше мәнге ие екенін айтты. Президенттің айтуынша, ұлттық киімдер – халқымыздың бай тарихы мен мәдениетінің айнасы, сондықтан оларды насихаттау және күнделікті өмірде қолдану арқылы ұлттық бірегейлігімізді нығайтуға болады.

Әл-Фараби атындағы Қазақ ұлттық университетінде Наурыз мейрамына арналған мерекелік іс-шара өтті. Мереке аясында студенттер мен оқытушылар Наурыз мейрамын мерекелеу дәстүрлерімен танысып, театрландырылған қойылымдарға қатысып, музыкалық нөмірлерді тамашалады.

Ресми бөлімді Қыдыр атаның ақ батасымен ашылды. Іс-шара аясында 1 курс студенттері Қазақтың салт-дәстүрлері, ұлттық киімдері, өнері, мәдениеті жайлы презентация ағылшын тілінде қорғалды. Бангладеш елінен келген студент Мансур МД Сайфуллах өз елінде  тойланатын Похела Бойшах мейрамы жайлы презентация  ағылшын тілінде жасап таныстырып берді. Сонымен қатар, қатысушылар үшін ұлттық құндылықтар мен дәстүрлерге байланысты қызықты викториналық сұрақтар (куиз) ұйымдастырылды.

Қонақтардың назарын театрландырылған қойылым аударды, онда студенттер қазақ халқының дәстүрлерін көрсетті. Кештің жарқын сәттері ,музыкалық бағдарламалары «Ерке сылқым» күйі , сондай-ақ терме, Қазақ елі өлеңі, әндер  (қазақ және украин тілдерінде) мен ұлттық билер орындалды. Ақырғы аккорд  Атамекен әні шырқалып мерекелік көңіл-күй сыйлады.

Наурыз - бірлікті, достық пен үйлесімділікті білдіретін мереке. Мұндай іс-шараларды өткізу мәдени мұраны сақтау мен дамытуда  және де халықтар арасындағы достықты нығайтуға  зор үлес қосады.

Шетел тілдері кафедрасының аға оқытушылары Утебекова А.С.,  Мырзахмет М.Ж., Режеп А.С., Гумарова Ш.Б., Исабаева Б.К., Саяқова Б.М., Құдайбергенова Л.Е.