Физика-техникалық факультетінің профессорлары мен ғалымдары Жаңа материалдар мен құрылғылар бойынша 4-ші Халықаралық симпозиумға (ISEMD 2025) белсенді қатысуда. ТДМ 7 және ТДМ 9.

2025 жылғы 28–30 мамыр аралығында Назарбаев Университетінің Астана Ұлттық зертханасы жанындағы Жаңартылатын энергия көздері зертханасының базасында Жаңа материалдар мен құрылғылар бойынша 4-ші Халықаралық симпозиум (ISEMD 2025) өтуде. Бұл беделді халықаралық ғылыми іс-шара профессор Нурхат Нурадже (NU SEDS) төрағалығымен ұйымдастырылып, энергетика, экология, медицина және жоғары технологиялық өндіріс салаларында қолданылатын жаңа функционалды материалдар мен құрылғылардағы соңғы жетістіктерді талқылауға бағытталған.

Әл-Фараби атындағы Қазақ ұлттық университетінің физика-техникалық факультеті симпозиумда жетекші ғалымдар, профессорлар мен жас зерттеушілерден құралған кең делегациямен ұсынылған. Факультет қызметкерлері келешегі зор наноқұрылымды жабындар жасау мен жаңа буындағы сенсорлық және фотондық құрылғыларды әзірлеу сияқты өзекті бағыттарға арналған ауызша баяндамалар мен постерлік таныстырылымдар өткізуде.

Симпозиумда БҰҰ-ның Тұрақты даму мақсаттарына (ТДМ) бағытталған ғылыми әзірлемелерге ерекше назар аударылуда, атап айтқанда:

• ТДМ 7 — Барлық адамдарды қолжетімді, сенімді, тұрақты және заманауи энергия көздерімен қамтамасыз ету,
• ТДМ 9 — Индустрияландыру, инновациялар және инфрақұрылым.

ISEMD 2025 симпозиумына қатысу физика-техникалық факультет ғалымдарына халықаралық әріптестермен ғылыми байланыстарды нығайтуға, іргелі және қолданбалы зерттеулерінің нәтижелерін ұсынуға, сондай-ақ Horizon Europe, MSCA және басқа да халықаралық бастамалар шеңберіндегі бірлескен жобаларға жоспар құруға мүмкіндік береді. Сонымен қатар, ғылыми әзірлемелерді коммерцияландыру мен технологиялар трансферіне арналған сессиялар университеттің даму стратегиясына және ғылым, білім мен өндірістің интеграциясы бойынша міндеттерге толық сәйкес келеді.

Факультет ғалымдарының баяндамалары ғылыми қауымдастық тарапынан оң баға алып, олардың жоғары деңгейдегі ғылыми нәтижелері ҚазҰУ-дың Орталық Азиядағы жетекші зерттеу университеттерінің бірі ретіндегі мәртебесін айғақтайды.