KazNU-дың Physical Sciences and Technology журналы Scopus халықаралық дерекқорындағы позициясын нығайтты. ТДМ 4 және ТДМ 9.

Әл-Фараби атындағы Қазақ ұлттық университетінің физика-техникалық факультетінде шығарылатын Physical Sciences and Technology ғылыми журналы халықаралық ғылыми қауымдастық тарапынан танылу деңгейінің едәуір артқанын көрсетті. 2024 жылы журналдың Scopus дерекқорындағы CiteScore-процентилі 24%-ға дейін өсті, бұл жарияланымдардың дәйексөз келтіру деңгейі мен сапасының артқанын білдіреді.

Ғылыми журнал 2014 жылы негізі қаланып, іргелі және қолданбалы физика, нанотехнологиялар, астрофизика, ядролық және жылу физикасы, сондай-ақ плазмалық технологиялар салаларында түпнұсқа мақалаларды жариялайды. Барлық мақалалар қос соқыр рецензиялаудан өтеді, журнал халықаралық академиялық этика стандарттарын ұстанады, ашық қолжетімділікпен жарияланады және Scopus, DOAJ, eLibrary, РИНЦ дерекқорларында индекстеледі. Бұл журналдың ғылыми ортада жоғары сенімге ие екенін дәлелдейді.

Scopus-тағы 24-процентильге жету редакциялық алқаның жүйелі жұмысы, мақалаларды қатаң іріктеу және халықаралық авторлар мен рецензенттердің белсенді қатысуының арқасында мүмкін болды. SCImago деректері бойынша журнал физика саласы бойынша төртінші квартильде (Q4) тұрақты позицияны иеленіп, Қазақстандағы ең қарқынды дамып келе жатқан ғылыми басылымдардың біріне айналды.

Physical Sciences and Technology журналы БҰҰ-ның Тұрақты даму мақсаттарының (ТДМ) жүзеге асырылуына да үлес қосуда:

• 4-мақсат: Сапалы білім — өзекті ғылыми нәтижелерге еркін қолжетімділікті қамтамасыз етіп, студенттер, магистранттар мен оқытушылар арасында ғылыми мәдениеттің дамуына ықпал етеді.

• 9-мақсат: Индустрия, инновациялар және инфрақұрылым — жоғары технологиялар саласындағы озық зерттеулерді жариялап, елдің инновациялық дамуына септігін тигізеді.

Журнал көрсеткіштерінің өсуі ҚазҰУ-дың ғылыми инфрақұрылымды дамытуға, халықаралық ынтымақтастықты нығайтуға және отандық ғылымды жаһандық деңгейде алға жылжытуға бағытталған стратегиялық ұстанымын көрсетеді. Physical Sciences and Technology журналы Орталық Азиядағы жетекші зерттеу орталығы ретінде университет беделін одан әрі арттыруда.