Пузикова Дарья Сергеевнаны PhD дәрежесін сәтті қорғауымен құттықтаймыз! ТДМ 4. Сапалы білім беру

Қорғау 2025 жылғы 30 маусымда Әл-Фараби атындағы ҚазҰУ базасында гибридті (офлайн/онлайн) форматта өтті.
Диссертациялық жұмыстың тақырыбы: «Фотоэлектрохимиялық күн элементтері үшін күрделі оксидтік жүйелер негізіндегі жаңа жартылай өткізгіш материалдардың құрылымы мен физикалық қасиеттері».

Ғылыми кеңесшілері:

• ф.-м.ғ.д., профессор Олег Юрьевич Приходько (ҚазҰУ),

• ф.-м.ғ.д., профессор Ремигиус Юшкенас (Физика және технологиялар орталығы, Вильнюс, Литва).
  Ресми рецензенттер: PhD Н.А. Чучвага және PhD Н.Н. Жантурина.

Дарья Сергеевна – ҚазҰУ-дың бакалавриат, магистратура және PhD деңгейлерін үздік аяқтаған, қазіргі таңда Д.В. Сокольский атындағы Отын, катализ және электрохимия институтының аға ғылыми қызметкері, осы институттың Жас ғалымдар кеңесінің төрағасы, сондай-ақ ҚБТУ жанындағы Жас ғалымдар кеңесінің мүшесі. 2020 жылы ҚР БҒМ-нің талантты жас ғалымдарға арналған мемлекеттік ғылыми стипендиясының иегері, 30-дан астам ғылыми жарияланымның және бірқатар патенттердің авторы, халықаралық ғылыми жобалардың қатысушысы.

Дарья Сергеевнаны шын жүректен құттықтай отырып, ғылым жолындағы жаңа табыстарға, биік белестерге жетуіне тілектеспіз!