Әл-Фараби атындағы Қазақ ұлттық университетінің филиалы Омбы қаласында жұмысын бастады — бұл Ресейдегі шетелдік жоғары оқу орнының алғашқы филиалы

Әл-Фараби атындағы Қазақ ұлттық университетінің филиалы Омбы қаласында жұмысын бастады — бұл Ресейдегі шетелдік жоғары оқу орнының алғашқы филиалы.

Филиал Ф. М. Достоевский атындағы Омбы мемлекеттік университетінің базасында ашылды.

Ашылу туралы Ресей Федерациясы Үкіметінің Төрағасы Михаил Мишустин өңірге сапары барысында хабарлады. Ол бұл жобаның екі елдің білім беру жүйелері арасындағы жоғары сенім мен өзара құрметтің символы екенін атап өтті.

Оқу процесі 2025 жылдың 1 қыркүйегінде басталады. Алғашқы қабылдау бакалавриат бағдарламалары бойынша 75 студентті қамтиды:
– Қазақ тілі мен әдебиеті
– Кеден ісі
– Халықаралық құқық

Оқу қазақ, орыс және ағылшын тілдерінде жүргізіледі.

РФ Ғылым және жоғары білім министрлігі оқу инфрақұрылымын жабдықтау мәселелерінде қолдау көрсетуде.

Іс-шараға қатысты:
– Қазақстан тарапынан: Ғылым және жоғары білім министрі Саясат Нұрбек, әл-Фараби атындағы ҚазҰУ ректоры Жансейіт Түймебаев
– Ресей тарапынан: РФ Ғылым және жоғары білім министрі Валерий Фальков, Омбы облысының губернаторы Виталий Хоценко, Омбы облысының жоғары білім және ғылыми-технологиялық даму министрі Александр Кольцов, ОмМУ ректорының м.а. Иван Крött

Қонақтар оқу ғимаратын аралап, қабылдау комиссиясы мен ғылыми кітапханаға барды.

ҚазҰУ ректоры Жансейіт Түймебаев филиалдың құрылу тарихын таныстырды, ал Саясат Нұрбек Қазақстандағы ресейлік ЖОО-лардың қызметі туралы айтып берді.

Филиалдың ресми ашылуы 2024 жылдың 27 қарашасында Қазақстан Республикасы мен Ресей Федерациясы президенттерінің қатысуымен өтті.