Білім күніне орай: биология және биотехнология факультетінде бірінші курс студенттерімен танысу өтті

2025 жылғы 2 қыркүйекте Әл‑Фараби атындағы Қазақ ұлттық университетінің Биология және биотехнология факультетінде жаңа оқу жылының басталуына арналған таныстыру шарасы өтті. Шараға факультет деканы, биология ғылымдарының докторы, профессор Меруерт Сакеновна Курманбаева және университеттің оқу ісі жөніндегі проректоры — PhD, қауымдастырылған профессор Алина Кулбаевна Галеева қатысты.

Кездесу барысында бірінші курс студенттеріне оқу бағдарламалары, академиялық талаптар, білім беру процесінің ерекшеліктері және университеттің ішкі тәртібі таныстырылды. Сондай-ақ студенттер өз сұрақтарын қойып, оқуға қатысты қажетті ақпараттарды алды.