ҚазҰУ мен Қарақалпақ мемлекеттік университеті арасындағы ынтымақтастық кездесу

Тұрақты даму мақсаттарының (ТДМ) №17 "Мақсатқа қол жеткізу үшін ынтымақтастық" бағыты аясында  2025 жылғы 11 қыркүйек күні Әл-Фараби атындағы Қазақ ұлттық университетінің Тарих факультеті, Археология, этнология және музеология кафедрасына Бердах атындағы Қарақалпақ мемлекеттік университетінің Археология кафедрасының меңгерушісі, т.ғ.к., доцент Хакимниязов Жолмурза Хожабекович бастаған профессор-оқытушылар құрамы іссапармен келді. Іссапардың басты мақсаты — тәжірибе алмасу, ғылыми-академиялық байланыстарды нығайту және екіжақты ынтымақтастықты дамыту. Кездесу барысында тараптар археологиялық зерттеулер, ғылыми жобалар, бірлескен экспедициялар мен академиялық ұтқырлық бағдарламалары төңірегінде пікір алмасып, болашақтағы ықтимал әріптестік бағыттарын талқылады.