МЕХАНИКА КАФЕДРАСЫНЫҢ ТҮЛЕГІ ЖӘНЕ NVIDIA ӨКІЛІ АЙДЫН АЙТЖАНМЕН КЕЗДЕСУ

29 қыркүйекте механика кафедрасында бакалавриат түлегі, PhD, қазіргі уақытта NVIDIA компаниясының аға бағдарламалық жасақтама инженері (Дубай, БАӘ) Айдын Айтжанмен кездесу өтті.
            Бұл шара Қазақстан Республикасы Жоғары білім қызметкерлері күніне орай ұйымдастырылды. Кездесудің негізгі тақырыбы — қазіргі әлемдегі жасанды интеллект (AI) рөлі мен оның даму болашағы. Айдын Айтжан кәсіби даму тәжірибесімен бөлісіп, студенттерге құнды кеңестер берді.

            Мұндай кездесулер БҰҰ Тұрақты даму мақсаттарының (ТДМ) жүзеге асуына ықпал етеді, атап айтқанда:

• 🎓 ТДМ 4 «Сапалы білім» — студенттердің инновациялық технологиялар саласындағы құзыреттерін дамыту;
• 🏭 ТДМ 9 «Индустрияландыру, инновациялар және инфрақұрылым» — жасанды интеллектті зерттеу мен қолдануды ілгерілету;
• 🤝 ТДМ 17 «Тұрақты даму мүддесіндегі серіктестік» — университет пен халықаралық деңгейде еңбек етіп жүрген түлектер арасындағы ынтымақтастықты нығайту.

            Кафедра ұжымы университетімізді әлемдік деңгейде абыроймен танытып жүрген түлектерімен мақтанады.

            Туралина Д.Е.

Ф-м.ғ.к., ассистент-профессор, механика кафедрасы