Қазақстан халқы Ассамблеясының журналистер клубы ҚазҰУ-да

Әл-Фараби атындағы ҚазҰУ-да осы бірегей қоғамдық институттың 30 жылдығына арналған Қазақстан халқы Ассамблеясының журналистер клубының кеңейтілген отырысы өтті. Журналистика факультеті клуб мүшелеріне, ел этностарының БАҚ өкілдеріне, баспасөз қызметтеріне, медиа сарапшыларға, журналистер мен блогерлерге, ҚХА мүшелеріне арналған тренингтердің тиімді алаңына айналды.

Парламент Сенатының депутаты, Бас редакторлар клубының төрағасы Бибігүл Жексенбай Қазақстанның этномәдени бірлестіктерінің БАҚ нәтижелілігі үшін тәжірибе алмасудың маңыздылығын және академиялық ортаның ықпалының құндылығын атап өтті. Ал журналистика факультетінің деканы Қанат Әуесбайұлы қонақтарды университет қабырғасында қарсы алғанына қуанышты екенін айта келе, дәстүрлі және жаңа медианының негізгі қамтитын тақырыптар арасында этножурналистика саласы үнемі қолдайтын өзара ұлтаралық диалогтың қалатынын баса көрсетті. Парламент Сенатының депутаты-Қазақстан халқы Ассамблеясы журналистер клубының төрағасы Әлішер Сатвалдиев қоғамдық келісімді нығайту мен бірлік идеяларын ілгерілетудегі журналистік қоғамдастық миссиясының бірегейлігін атап өтті. ҚХА Журналистер клубы мен Бас редакторлар клубы арасында ынтымақтастық туралы Меморандумға қол қойылды.

Тренингке қатысушылар өзара тәжірибе алмасып қана қоймай, жаңа технологияларды кәсіби бағытта қолданудың тәжірибелік дағдыларымен танысты және ана тілдеріндегі ұлтаралық қатынастар туралы жарияланымдардың өзектілігі мәселелерін талқылады.

Сарапшылар, олардың ішінде белгілі медиа менеджер Иманбай Жұбай, аға оқытушы Александр Рожков және басқалар этносаяси терминологияны қалай дұрыс қолдану керектігін айтып, медиа тұтынудың, келісім мәдениетін қалыптастырудың, дағдарысқа қарсы PR қолдану әдістерінің ерекшеліктерін жан-жақты  ашып берді.

Қонақтар университет мұражайын, журналистика факультетінің «Жасанды интеллект» және «ТҮРКСОЙ» медиа зерттеу орталықтарын аралап және М.К. Барманқұлов атындағы телестудияның тұсаукесер шарасына  қатысты.

Журналистика факультетінің ЮНЕСКО-ның журналистика және коммуникация кафедрасының меңгерушісі Орынтай Ошанова атап өткендей, бірнеше жылдан бері "Этножурналистика" білім беру бағдарламасы бойынша магистранттар білім алып келеді. Сондай-ақ, ел этностарының медиа журналистикасы арқылы өзара іс-қимылды бағалаудың, материалдардың сапасын арттырудың және толеранттылықты қалыптастырудың ғылыми жобалары іске асырылуда. БАҚ қызметкерлерінің кәсібилігі университетіміз қолдайтын азаматтық жауапкершіліктен, "әртүрліліктегі бірлік" қағидатын іске асырудағы медиасауаттылықтан тұрады.