«Тарихы терең, болашағы нұрлы ғажайып ел!» тақырыбында ашық кураторлық сағат

Республика күніне орай 24 қазан күні сағат 14:00-де 215-аудиторияда «Тарихы терең, болашағы нұрлы ғажайып ел!» тақырыбында ашық кураторлық сағат өтті. Іс-шараны экономика ғылымдарының кандидаты, «Қаржы және есеп» кафедрасының аға оқытушысы, 2 және 3 курс студенттерінің кураторы Алиева Б.М. ұйымдастырды.

Бұл мерекелік шара Экономика және бизнес жоғары мектебі факультетінің деңгейінде ұйымдастырылып, Тұрақты даму мақсаттарының 4-мақсаты «Сапалы білім беру» және 8-мақсаты «Лайықты еңбек пен экономикалық өсу» аясында өткізілді.

25 қазан – Республика күні – еліміз үшін ерекше мәнге ие мереке. Дәл осы күні, 1990 жылы, елдің егемендігі туралы декларация қабылданған болатын. Бұл құжат Қазақстанның тәуелсіздігінің негізін қалаған тарихи шешім болды. Республика күні – азаматтық келісім мен ұлттық бірліктің, елдің бүгіні мен болашағы үшін ортақ жауапкершіліктің мерекесі. Қазақстанның басты тірегі – бірлік пен келісім.

Іс-шараның құрметті қонақтары ретінде Экономика және бизнес жоғары мектебінің деканы Ермекова Ж.Ж., «Қаржы және есеп» кафедрасының меңгерушісі Сартова Р.Б., сондай-ақ сабақтан бос факультет оқытушылары қатысты.