📣 Жақсылық пен дамудың миссиясы: «Шапағат» «AI-Guided Career» семинарында!

 📆2025 жылғы 3 қарашада әл-Фараби атындағы Қазақ ұлттық университетінде Алматы қаласы Білім басқармасының қолдауымен «AI-Guided Career: оқушыдан маманға дейінгі жол» атты оқыту семинары өтті. Семинардың мақсаты - мектеп оқушыларының кәсіби бағдарлану жүйесін жетілдіру және жасанды интеллект технологияларын білім беру үдерісіне енгізу.
  🎓Іс-шараға Қазақстан Республикасының Ғылым және жоғары білім министрлігінің өкілдері, мектеп мамандары, жоғары оқу орындарының оқытушылары және кәсіби бағдар саласындағы сарапшылар қатысты.
Басты спикерлер қатарында: Алина Кулбаевна Галеева, әл-Фараби атындағы ҚазҰУ Басқарма мүшесі – академиялық мәселелер жөніндегі проректор, Айдар Жумалипов, әл-Фараби атындағы ҚазҰУ Оқуға қабылдау кеңсесінің жетекшісі,
және Айдос Жуманазар, Eduser және Ustaz Media платформаларының негізін қалаушы, кәсіби бағдар маманы болды.
 💫 Әл-Фараби атындағы ҚазҰУ заң факультетінің қылмыстық құқық, қылмыстық іс жүргізу және криминалистика кафедрасының «Шапағат» студенттік волонтёрлік клубы семинарға белсене қатысып, клуб қызметі мен университеттің волонтёрлік бастамаларын таныстырды.
Бұл қатысу Тұрақты даму мақсаты №4 – «Сапалы білім беру» шеңберінде жүзеге асырылып, инклюзивті, заманауи және үздіксіз білім беруді дамытуға өз үлесін қосты.
  🤝 «Шапағат» клубы студенттерді даму, гуманизм және әлеуметтік жауапкершілік идеялары төңірегінде біріктіре отырып, жақсылық пен білім миссиясын жалғастыруда.