ҚазҰУ-да ТДМ 13 аясында ағзалардың бейімделуінің биофизикалық механизмдері бойынша семинар өтт

        2025 жылғы 13 қазанда әл-Фараби атындағы Қазақ ұлттық университетінің Биология және биотехнология факультетінде «Ағзалардың қоршаған ортаның экстремалды жағдайларына бейімделуінің биофизикалық механизмдерін зерттеу» тақырыбында семинар-дискуссия өтті. Іс-шара Тұрақты даму мақсаттарының (ТДМ 13) – климаттың өзгеруімен және оның салдарымен күрес аясында ұйымдастырылды.

     Семинарды «Нейроғылым» білім беру бағдарламасының 4-курс студенттері кураторымен бірлесіп, биофизика, биомедицина және нейроғылым кафедрасының аға оқытушысы Швецова Е.В. жетекшілігімен ұйымдастырды. Іс-шара барысында студенттердің экологиялық сауаттылығын арттыруға және экологиялық мәдениетін дамытуға ерекше көңіл бөлінді.

Бағдарлама аясында қатысушылар:

       ·    климаттың өзгеру себептерін және оның адам денсаулығына әсерін талқылады;

       ·    ағзалардың экстремалды жағдайларға бейімделуінің биофизикалық механизмдерін қарастырды;

      ·     көмірқышқыл газының ізін азайту және табиғи ресурстарды ұтымды пайдалану бойынша практикалық ұсыныстар әзірлеп, презентациялар дайындады;

       ·    зиянды әдеттер мен гиподинамияны қоса алғанда, өмір салтының ағзаның бейімделу қабілетіне әсерін талдады.

         Барлық студенттер белсенді қатысып, іс-шараның білімдік және практикалық тиімділігін жоғары деңгейде қамтамасыз етті. Семинар ТДМ 13-ті ілгерілетуге үлес қосып, THE Impact Rankings 13.3 және 13.4 көрсеткіштерін нығайтты, сондай-ақ университеттің экологиялық мәдениет пен тұрақты дамуды қалыптастырудағы маңызды рөлін растады.