Болашақ студенттің цифрлық құзыреттері

Болашақ студенттің цифрлық құзыреттері

2025 жылғы 12 қарашада Тұрақты даму мақсаттарының (ТДМ) аясында №4 мақсат — «Сапалы білім беру» шеңберінде «Болашақ студентке арналған цифрлық дағдылар» тақырыбында іс-шара өткізілді. Іс-шара цифрлық құзыреттердің білім беру процесіндегі маңыздылығына және заманауи технологияларды меңгерген бәсекеге қабілетті XXI ғасыр маманын қалыптастырудағы рөліне арналды.
Іс-шараның мақсаты — студенттердің цифрлық сауаттылығын арттыру, болашақ логистика саласындағы кәсіби қызметіне қажет цифрлық құралдармен жұмыс істеу бойынша практикалық дағдыларды қалыптастыру.
Сабақ барысында қазіргі әлемде жоғары сұранысқа ие негізгі цифрлық дағдылар қарастырылды:
* деректерді өңдеу және талдау үшін офистік және аналитикалық бағдарламаларды (Excel, Google Sheets) қолдану;
* жобалар мен презентациялар дайындауда визуализация және дизайн құралдарын (Canva, Figma) пайдалану;
* өзіндік білім алуға арналған білім беру платформаларымен (Darlean, Coursera, Stepik) танысу;
* оқу және бизнес-процестерді оңтайландырудағы жасанды интеллект пен нейрожелілердің мүмкіндіктерін түсіну.
Іс-шарада заманауи логистиканың цифрлық трансформациясының ажырамас бөлігі болып табылатын «Relog» көлік логистикалық жүйесі (TMS) ерекше назарға ие болды. Қатысушылар жүйенің маршруттау, жоспарлау және тасымалдауды бақылау үдерістерін автоматтандыруға мүмкіндік беретін функционалдық мүмкіндіктерімен танысты.
Интерактивті бөлімде қатысушылар өзін нағыз логист ретінде сезініп, спикермен бірге Алматы қаласы бойынша тауарларды жеткізуге арналған ойдан шығарылған кәсіпорынның маршруттарын әзірледі. Бұл тәжірибе тиімді көлік схемаларын құру логикасын түсінуге және заманауи логистикалық процестерді басқаруда цифрлық құралдардың маңызын сезінуге мүмкіндік берді.
Іс-шара қорытындысы бойынша цифрлық дағдыларды және Relog сияқты заманауи логистикалық жүйелерді меңгеру сапалы білімнің, табысты кәсіби іске асудың және қоғамның тұрақты дамуына белсенді қатысудың маңызды шарты екені атап өтілді.
Ұйымдастырушылар: Бизнес технологиялар кафедрасының ПОҚ-ы,  Бейсенова М.У.., Кажмуратова А.К.., Болтаева А., Тулебаева Н.Т., Ибраева Л.М.,  Логистика БББ 1 курс магистранты Сагалиев Саур және Логистика мамандығы 2 курс, орыс тобы студенттері.