ТДМ 10. «Біз жастар әділетті, қылмыссыз Қазақстанды қалаймыз»

Жастарға берілетін басты тәрбие – олардың тұлғалық мәдениетін қалыптастыру, салауатты өмір салтын ұстануға баулу, интеллектуалдық әлеуетін дамыту және жастардың әлеуметтік, мәдени, экономикалық мүдделерін мемлекеттік деңгейде қорғау болып табылады.

Біздің негізгі мақсатымыз – түрлі білім беру бағдарламалары арқылы жастардың бастамаларына қолдау көрсету, патриоттық сезімін арттыру және экологиялық сананы қалыптастыру. Осы бағытта дайындық кафедрасының тыңдаушыларына «Теңсіздікті қысқарту» тақырыбында танымдық дәріс өткізілді.

Сондай-ақ, тыңдаушылардың отанға деген сүйіспеншілігін нығайтып, әділетті қоғам құруға ынталандыру мақсатында «Біз, жастар, әділетті және қылмыссыз Қазақстанды қалаймыз» атты дөңгелек үстел ұйымдастырылды. Іс-шара барысында қатысушылар өз көзқарастарын ашық білдіріп, белсенді пікір алмасты. Әр өңірден келген жастар өз тәжірибелері мен білім-біліктерін ортаға салып, бір-бірінен үйренуге мүмкіндік алды. Тыңдаушылар өз ойларын толық жеткізуде және бағыт-бағдарын анықтауда қиындықтарға тап болатынын атап өтті. Осындай кездесулер – өз идеясын жүзеге асыруға ұмтылған жастар үшін үлкен мүмкіндік пен шабыт көзі.

Осыған орай, ұйымдастырылып отырған іс-шараның мәні мен маңызы – жастардың дамуына, қоғам өміріне белсенді араласуына ықпал етуінде деп санаймыз.