«Қарым-қатынас психологиясы: дұрыс тыңдау және түсіну» ТДМ 4: Сапалы білім / ТДМ 16: Бейбітшілік, әділдік және мықты институттар

30 қазанда «6B06201 – Радиотехника, электроника және телекоммуникациялар» білім беру бағдарламасының 353-топ студенттері «Қарым-қатынас психологиясы: дұрыс тыңдау және түсіну» тақырыбында кураторлық сағат өткізді. Кездесудің мақсаты — тиімді қарым-қатынас жасау, мұқият тыңдау, ойын анық жеткізу дағдыларын қалыптастыру.
Эдвайзер әңгімелесушіні тек тыңдау емес, оны дұрыс түсіну маңызды екенін нақты мысалдармен көрсетті. Студенттер топтық тапсырмалар орындап, өз тәжірибелерімен бөлісіп, коммуникациядағы жиі кездесетін қателерді талқылады.
Кездесу жылы әрі ынталандырушы атмосферада өтті. Қатысушылар құрмет, эмпатия және ашықтықтың тиімді қарым-қатынас үшін маңызды екенін атап өтті.

ТДМ таңдау негіздемесі:

Іс-шара ТДМ 4-ке сәйкес келеді, себебі ол студенттердің білімін, тұлғалық және коммуникативтік құзыреттерін дамытып, сапалы білім беру процесін қолдайды.
Сондай-ақ ТДМ 16-мен байланысты, өйткені ол бейбіт, құрметті және түсіністікке негізделген қоғам құруға ықпал етеді. Мұндай дағдылар тұрақты қауымдастықтар мен тиімді институттардың қалыптасуына негіз болады.