"Эколог-құқықтанушы" студенттік ғылыми үйірмесі 2024-2025 оқу жылы

"Эколог-құқықтанушы" студенттік ғылыми үйірмесі кеден, қаржы және экологиялық құқық кафедрасында 2010 жылдан бастап жұмыс істейді. Үйірме табиғатты қорғау іс-шараларын өткізуге, студенттердің ғылыми-зерттеу жұмыстарын, түрлі экологиялық акцияларды орындауға, сондай-ақ экологиялық дүниетанымды қалыптастыруға және студенттердің экологиялық мәдениетін арттыруға жәрдемдеседі.

"Эколог-құқықтанушы" студенттік ғылыми үйірмесінің мақсаты:

Студенттік ғылыми үйірменің негізгі мақсаты экологиялық-құқықтық мәселелерді, сондай-ақ аграрлық қатынастарды құқықтық реттеу мәселелерін, табиғи ресурстарстық заңнамасын зерттеу, сондай-ақ студенттерде ғылыми-зерттеу жұмысының тиісті дағдылары мен құзыреттерін қалыптастыру болып табылады.

Студенттік ғылыми үйірменің негізгі міндеттері:

қоршаған ортаны қорғау және табиғатты пайдалану саласындағы білім, біліктілік және дағдылармен алмасу үшін студенттерді біріктіру;
қоршаған ортаны қорғау саласындағы, оның ішінде волонтерлік және экологиялық іс-шаралар өткізу арқылы студенттердің қоғамдық қызметіне ықпал ету;
ғылыми конференциялар мен семинарларға қатысу, студенттердің ғылыми-зерттеу жұмыстарын жүргізу;
қоршаған ортаны қорғау саласындағы конкурстар мен олимпиадаларды ұйымдастыру;
дөңгелек үстелдер, кездесулер, пікірталастар, шығармашылық кештер өткізу;
әлеуметтік желілерде студенттік үйірме қызметін насихаттау;
білім беруді кеңейту қажеттілігін, қоршаған ортаның жай-күйі үшін жауапкершілікті және оны қорғаудың нақты қызметіне ұмтылуды тәрбиелеу;
жаһандық экологиялық мәселелерді шешуде орнықты дамуға көшу;
экологиялық ұйымдармен ынтымақтастықта қоғамдық маңызы бар іс-шараларды өткізу.

Үйірме жұмысының нысандары экологиялық, жер және табиғат ресурстары құқығының өзекті мәселелері бойынша баяндамаларды (презентацияларды пайдалана отырып) дайындау және талқылау болып табылады.

Мерзімділігі -ай сайын.