Біз туралы

Әл-Фараби атындағы Қазақ ұлттық университетінің АТ-инфрақұрылымын дамытуды қамтамасыз ету департаменті 1963 жылы құрылған.

АТ-инфрақұрылымын дамытуды қамтамасыз ету департаментінің қызметі – университетті ақпараттандыруды дамыту стратегиясын іске асыруға бағытталған: бірыңғай желілік инфрақұрылымды дамыту, оқу үдерісіне жаңа ақпараттық технологияларды енгізу, университеттің қаржы-экономикалық қызметін және құжат айналымын автоматтандыру.

АТ-инфрақұрылымын дамытуды қамтамасыз ету департаменті қызметінің негізгі бағыттарының бірі университеттің заманауи интеграцияланған ақпараттық жүйесін қалыптастыру, университеттің Ғаламтор ақпараттық кеңістігінде өкілдігін ұйымдастыру, оқытушылар мен студенттерге заманауи электрондық қызметтерді ұсыну болып табылады. Бүгінгі таңда АТ-инфрақұрылымын дамытуды қамтамасыз ету департаментінде жоғары оқу орнының АТ-инфрақұрылымын басқарудың озық қолданбалы бағдарламалық өнімдері мен тетіктерін жасайтын үздік АТ-мамандары, жас және шығармашылық тұлғалар жұмыс істейді.

Департамент үш негізгі басқармадан тұрады:

1.   Деректерді талдау және өңдеу басқармасы

2.   АT-инфрақұрылымды дамыту басқармасы

3.   Ақпараттық бизнес-логиканы дамыту басқармасы

• Деректерді талдау және өңдеу басқармасы университеттің ақпараттық-аналитикалық жүйесін әзірлеумен және дамытумен айналысады. Деректерді талдау және өңдеу басқармасы жұмысының мақсаты – жоғары білім беру жүйесіндегі деректерді басқару мәселесін цифрландыру үдерісін дамытудың заманауи тренді ретінде зерттеу, басқарушы құжаттарды әзірлеу, деректерді басқару мәдениетін қалыптастыру және оларды ЖОО-ның басқару қызметін жақсартуда және білім беру сапасын арттыруда барынша пайдалану.

• АT-инфрақұрылымды дамыту басқармасы желілік және серверлік инфрақұрылымды дамыту мен жаңғыртуды жоспарлау, университет бөлімшелерін компьютерлік техникамен қамтамасыз ету, желілік және серверлік ресурстарды әкімшілендіру, компьютерлік жабдықтармен қамтамасыз ету, бейнебақылау және техникалық қолдау көрсету міндеттерін орындайды.
• Ақпараттық бизнес-логиканы дамыту басқармасы ЖОО-ның бірыңғай корпоративтік ақпараттық жүйесінің ақпараттық жүйелері мен ресурстарын әзірлеу, енгізу және сүйемелдеумен айналысады. Әзірленген бағдарламалық жасақтаманы жобалауға, әзірлеуге, тестілеуге және енгізуге байланысты мәселелерді шешеді.