АҚПАРАТТЫҚ ТЕХНОЛОГИЯЛАР ДЕПАРТАМЕНТІ

Біз туралы

Әл-Фараби атындағы Қазақ ұлттық университетінің Ақпараттық технологиялар департаменті 1963 жылы Қазақ мемлекеттік университетінің физика-математика факультетінің есептеу математикасы кафедрасы құрылымына кіретін Есептеу машиналары зертханасы ретінде құрылды. Кейін С.М. Киров атындағы Оқу-есептеу орталығы, Есептеу орталығы, Ақпараттық-коммуникациялық технологиялар департаменті болып жұмыс істеді.

Ақпараттық технологиялар департаментінің қызметі университеттің ақпараттандыруды дамыту стратегиясын іске асыруға бағытталған, мысалы: бірыңғай желілік инфрақұрылымды дамыту, оқу үдерісіне соңғы ақпараттық технологияларды енгізу, университеттің қаржылық-шаруашылық қызметін және құжат айналымын автоматтандыру.

Ақпараттық технологиялар департаменті қызметінің негізгі бағыттарының бірі – университеттің заманауи интеграцияланған ақпараттық жүйесін қалыптастыру, университеттің интернет-ақпараттық кеңістігінде өкілдігін ұйымдастыру, оқытушылар мен студенттерге заманауи электрондық қызметтерді көрсету болып табылады.