ҚазҰУ-дың физика-техникалық факультетінің профессорлық-оқытушылық құрамы ProQuest Dissertations & Theses және Web of Science платформаларында диссертацияларды орналастыру мәселелеріне арналған Clarivate вебинарына қатысты. ТДМ 4 және ТДМ 9.

2025 жылдың 18 қарашасында Әл-Фараби атындағы Қазақ ұлттық университетінің физика-техникалық факультетінің профессорлық-оқытушылық құрамы мен ғылыми қызметкерлері Clarivate сарапшысы Ирина Тихонкова өткізген «Web of Science платформасындағы диссертациялар» атты вебинарға қатысты. Іс-шара барысында диссертацияларды халықаралық ProQuest Dissertations & Theses Global және ProQuest Dissertations & Theses Citation Index деректер базаларына интеграциялау мүмкіндіктері жан-жақты талқыланды.

Вебинарда қарастырылған негізгі мәселелер:
• PQDT Global базасында диссертациялар мен бітіру жұмыстарының индекстелу қағидаттары;
• диссертацияларды орналастырудың артықшылықтары: ғылыми нәтижелердің көрінуін, дәйексөзделуін және қолжетімділігін арттыру;
• халықаралық репозиторийлер үшін диссертациялардың құрылымы, талаптары және ресімдеу стандарттары;
• диссертацияларды іздеу, толық мәтіндерге қолжетімділік, Web of Science платформасындағы жасанды интеллект элементтері мен талдау құралдарын пайдалану;
• Қазақстан университеттерінің диссертацияларын жаһандық деректер базаларына енгізу мүмкіндіктері;
• диссертацияларды ғылыми жарияланымдармен, зерттеу деректерімен және патенттермен байланыстыру механизмдері.

Физика-техникалық факультетінің ПОҚ мен жас ғалымдары үшін бұл вебинарға қатысу ҚазҰУ-дың ғылыми көрінуін арттыру, ашық ғылым мәдениетін дамыту және халықаралық зерттеу кеңістігіне интеграциялану жолындағы маңызды қадам болды.

ТДМ-ға қосқан үлес

Факультет ПОҚ-ының аталған іс-шараға қатысуы университеттің стратегиялық мақсаттарын жүзеге асыруға және БҰҰ-ның бірнеше Тұрақты даму мақсаттарына қолдау көрсетуге тікелей ықпал етеді:

• ТДМ-4: Сапалы білім – ғылыми құзыреттілікті арттыру, ғаламдық білім көздеріне қол жеткізу және жас зерттеушілердің академиялық дағдыларын дамыту.
• ТДМ-9: Индустрия, инновациялар және инфрақұрылым – ғылыми аналитиканың цифрлық құралдарын енгізу, зерттеу нәтижелерін халықаралық деректер базаларына біріктіру және университеттің ғылыми инфрақұрылымын дамыту.