- Басты бет
- Жаңалықтар
- Солтүстік-Батыс политехникалық университетімен халықаралық ынтымақтастық мәселелері талқыланды
Солтүстік-Батыс политехникалық университетімен халықаралық ынтымақтастық мәселелері талқыланды
2025 жылдың 26 қараша күні Солтүстік-Батыс политехникалық университетінің өкілдері — Шетел тілдер факультетінің партия комитетінің хатшысы Ван Гаозу мен магистранттарды дайындау бөлімінің хатшысы Цуй Сяобин Шығыстану факультетіне арнайы сапармен келді.
Сиань қаласынан келген қонақтарды Шығыстану факультеті деканының ғылыми-инновациялық жұмыс және халықаралық ынтымақтастық жөніндегі орынбасары Қайранбаев Нұрәли, Қытайтану кафедрасының меңгерушісі Оразақынқызы Фарида, кафедра меңгерушісінің ғылыми-инновациялық қызмет және халықаралық байланыстар жөніндегі орынбасары Мадиев Данияр, сондай-ақ кафедра меңгерушісінің оқу-әдістемелік және тәрбие жұмысы жөніндегі орынбасары Керімбаев Ержан қарсы алды.
Кездесу барысында екі оқу орны арасындағы көпжақты ынтымақтастықты дамыту мәселелері жан-жақты талқыланды. Атап айтқанда, екіжақты студент алмасу, оқытушылардың біліктілігін арттыру, жазғы және қысқы мектептер ұйымдастыру, бірлескен ғылыми жобалар жүзеге асыру, сондай-ақ ғалымдардың ортақ ғылыми жарияланымдар даярлауы жөнінде нақты ұсыныстар айтылды.
Тараптар алдағы уақытта аталған бағыттарды іске асыру үшін қажетті тетіктерді белсенді түрде дамытуға уағдаласты. Көзделген мәселелер достық әрі іскерлік ахуалда өткен мазмұнды келіссөз барысында қызу талқыланды.
Басқа жаңалықтар