Абай мұрасы қытай тілінде: студенттер арасында дәстүрлі байқау өтті
2025 жылғы 27 қарашада Абылайхан атындағы ҚазХҚ және ӘТУ университетінде «Абайдың қара сөздері мен өлеңдерін қытай тілінде мәнерлеп оқу» атты жыл сайынғы дәстүрлі байқау жоғары деңгейде ұйымдастырылды.
Аталған шығармашылық шара Алматы қаласының жетекші жоғары оқу орындары студенттері арасындағы академиялық және мәдени ынтымақтастықты нығайтуға бағытталған маңызды алаңға айналды. Байқауға Әл-Фараби атындағы ҚазҰУ, Абай атындағы ҚазҰПУ, ҚызҰПУ және өзге де жоғары оқу орындарынан келген студенттер қатысты. Жалпы саны 40 білім алушы бақ сынады.
Байқау қорытындысы бойынша Әл-Фараби атындағы ҚазҰУ-дың Шығыстану факультеті Қытайтану кафедрасының 2-курс студенті Қанапияұлы Досхан жоғары нәтиже көрсетіп, жүлделі III орынды иеленді.
Байқау қатысушылардың тілдік шеберлігін, ақын мұрасын терең танып-білуін және мәдени байланыстарды дамытуға қосқан үлесін айқын көрсетті.

Басқа жаңалықтар