«Оқытылатын шет (шығыс) тілінің іскерлік курсы» пәні бойынша педагогикалық практика үдерісіндегі ашық сабақ

2025 жылғы 6 қазан – 13 желтоқсан аралығындағы педагогикалық практика аясында 3 желтоқсан күні Шығыстану факультеті, Түріктану және Шығыс елдерінің тарихы кафедрасының 1 курс докторанты Оңғар Аяулым Жарасқызы «Оқытылатын шет (шығыс) тілінің іскерлік курсы» пәнінен ашық сабақ өткізді. https://www.instagram.com/turiktanu_farabi?igsh=OWVqeDExMGcxdnZu

Сабақтың тақырыбы: «Pazarlama ve reklam dilinde Türkçe». Сабақтың негізгі мақсаты – студенттердің түрік тіліндегі іскерлік кәсіби құзіреттілігін қалыптастыру және терминдерді қолдану.

Сабақ барысында студенттермен келесі оқу әрекеттері ұйымдастырылды: тақырыпқа байланысты жаңа сөздермен танысу және лексикалық жұмыс. Мәтінмен жұмыс, мазмұнын түсіну және талдау. Сұрақ-жауап әдісі арқылы белсенді сөйлеу әрекетін дамыту. Берілген жағдаяттар негізінде диалог құрастыру. Оқу үдерісін жандандыру мақсатында ойын технологиялары қолданылды.

Ойын әдісі бойынша студенттерге үш түрлі зат ұсынылды моторикалық ойыншық, шашқа арналған май және кальций дәрумендері. Әр топ осы тауарлардың бірін таңдап, түрік тілінде оның сату жарнамасын жасады. Бұл тапсырма студенттердің кәсіби тілдік дағдыларын, маркетингтік ойлауын және коммуникативтік құзыреттілігін дамытуға бағытталды.

Сабақ соңында Түріктану және Шығыс елдерінің тарихы кафедрасының меңгерушісі Халел Акнур, Түріктану және Шығыс елдерінің тарихы кафедрасының Профессоры м.а. (доцент) Дулаева Эльнара  және Түріктану және Шығыс елдерінің тарихы кафедрасының 1 курс докторанты Сулейкулова Нурсулу қатысып, сабақтың өту барысына қатысты пікірлерін білдірді. Қатысушылар сабақтың құрылымын, әдістемелік шешімдердің тиімділігін, студенттердің белсенділігін және алынған нәтижелерді оң бағалады. https://drive.google.com/drive/folders/1MvSmwIgdy3RYDGLeTm0eWHpMARGnl99l?usp=sharing

                                  Дулаева Эльнара