ҚазҰУ-да ТДМ 1 аясында «Әлеуметтік кәсіпкерлікке және стартаптарға жәрдемдесу» іс-шарасы өтті

2025 жылғы 28 қарашада әл-Фараби атындағы Қазақ ұлттық университетінде Тұрақты даму мақсаты 1 – Кедейлікті жою аясында «Әлеуметтік кәсіпкерлікке және стартаптарға жәрдемдесу» атты офлайн форматтағы іс-шара өтті. Іс-шара студенттердің әлеуметтік-экономикалық белсенділігін арттыруға және олардың болашақ кәсіби дамуына қолдау көрсетуге бағытталды.

Іс-шараның мақсаты – студенттерге нетворкингтің кәсіби және жеке дамудағы рөлін түсіндіру, тиімді байланыс орнату дағдыларын қалыптастыру, тәжірибелік кеңестер беру, мансаптық мүмкіндіктерді кеңейту және белсенді әлеуметтік позицияны дамытуға ынталандыру.

Іс-шара Дамир Аманжоловтың қатысуымен шағын семинар форматында өтті. Бағдарлама аясында спикердің мотивациялық баяндамасы ұсынылып, жеке брендті дамыту мен кәсіби байланыстарды қалыптастыруға арналған нақты кейстер талданды. Сонымен қатар сұрақ-жауап сессиясы, интерактивті пікір алмасу және студенттер арасында еркін нетворкинг ұйымдастырылды.

Іс-шараға менеджмент бағытындағы 70 студент, 5 оқытушы және 2 сыртқы қатысушы қатысты. Нәтижесінде серіктестік пен ынтымақтастықты дамыту көрсеткіші күшейіп, университеттің білім беру сапасы мен түлектердің бәсекеге қабілеттілігін арттыруға оң әсер етті.