Заң бұзушылықтың алдын алу және жауапкершілік мәселелері
2025 жылғы 10 желтоқсанда Фараби атындағы Қазақ ұлттық университетінің филология факультетінің «Шетел филологиясы» мамандығының 2 курс студенттері әділетті әрі қауіпсіз қоғам қалыптастыруға бағытталған Тұрақты даму мақсаттарын жүзеге асыру аясында «Заң бұзушылықтың алдын алу және жауапкершілік мәселелері» тақырыбында эдвайзерлік сағат өткізді.
Іс-шара барысында студенттер тақырыптық кездесу өткізіп, құқық бұзушылықтардың негізгі түрлері, олардың пайда болу себептері мен әлеуметтік салдары талқыланды. Жастардың құқық бұзушылықтың алдын алудағы рөліне және қоғамда құқықтық мәдениетті қалыптастырудың маңыздылығына ерекше назар аударылды.
Талқылау кезінде қатысушылар заң талаптарын сақтаудың маңызы, әрбір азаматтың жеке жауапкершілігі, сондай-ақ өзге адамдардың құқықтары мен бостандықтарына құрметпен қарау мәселелерін көтерді. Студенттер құқықтық сауаттылықтың жастар арасындағы құқық бұзушылықтың алдын алуда маңызды факторлардың бірі екенін атап өтті.
Сонымен қатар іс-шара барысында өмірден алынған нақты жағдайлар мен қоғамдық тәжірибеден мысалдар қарастырылды. Қатысушылар құқықтық сананы қалыптастыру, заңдық білім деңгейін арттыру және белсенді азаматтық ұстаным құқық бұзушылықтар санын азайтуға ықпал ететіні жөнінде пікір алмасты. Кездесу қорытындысы бойынша студенттер ағартушылық бағыттағы қысқаша баяндамалар мен ақпараттық материалдар дайындады.
Өткізілген іс-шара студенттердің өз іс-әрекеттеріне жауапкершілікпен қарауын қалыптастыруға, құқықтық ойлауын дамытуға және заң талаптарын сақтаудың маңызын түсінуге ықпал етті. Қатысушылар құқық бұзушылықтың алдын алу ең алдымен заңға құрметпен қараудан, өзін-өзі тәртіпке шақырудан және әрбір адамның саналы мінез-құлқынан басталатыны туралы қорытындыға келді.
Фараби атындағы ҚазҰУ студенттер арасында құқықтық мәдениет пен азаматтық жауапкершілікті дамытуға бағытталған бастамаларды тұрақты түрде қолдайды. Университет білім беру және тәрбиелік іс-шараларды ұйымдастыруға қолайлы жағдай жасап келеді.
Аталған іс-шара студенттердің құқықтық мәдениет деңгейін арттыруға және құқық бұзушылықтың алдын алу мен жауапкершілік мәселелерінің маңызын терең түсінуге елеулі үлес қосты.
Шетел филологиясы және аударма ісі кафедрасының
аға оқытушысы Аушенова А.С
