ҚазҰУ-да ТДМ 4 аясында Президенттік жастар кадр резерві бағдарламасы бойынша ақпараттық жұмыс жүргізілді

Бағдарлама аясында келесі іс-шаралар жүзеге асырылды:

- Тұрақты даму мақсаттарының құндылықтарын насихаттауға арналған подкастты дайындау және жариялау;

- Президенттік жастар кадрлық резерві бағдарламасы туралы ақпарат тарату;

- Жастардың кәсіби және жеке дамуы мүмкіндіктері туралы кең аудиторияны хабардар ету;

- Білім мен денсаулықтың тұрақты дамудағы рөлі туралы ақпараттандыруды арттыру;

- Материалдарды цифрлық және әлеуметтік медиа ресурстарда орналастыру.

Іс-шараға ҚазҰУ Биомедицина ғылыми-зерттеу орталығының директоры, PhD, профессор Ыдырыс Әлібек қатысып, бағдарламаның мақсаттары, міндеттері, талаптары және іріктеу кезеңдері туралы толық баяндады. Ол мемлекеттік басқару жүйесіне ғылыми негізделген, деректерге сүйенген және инновациялық шешімдер қабылдай алатын кадрларды тартудағы бағдарламаның маңыздылығын атап өтті.

Профессор Ыдырыс Әлібек бағдарламаның ғылым және білім саласы өкілдерінің кәсіби дамуы үшін тиімді алаң екенін атап өтті, сондай-ақ университеттер мен ғылыми орталықтардың елдің стратегиялық дамудағы рөлін ерекше көрсетті. Сонымен қатар, ол медицина және биология саласының мамандарының мемлекеттік басқару жүйесіне қатысуының маңыздылығын атап өтіп, бұл халықтың өмір сапасын арттыруға және қоғамдық әл-ауқатты нығайтуға ықпал ететінін жеткізді.

Подкаст жүргізушісі Лунара Есенмен ашық сұхбат форматында көрермендер бағдарламамен байланысты қызықты сұрақтарына жауап алды, жастардың көшбасшылық әлеуетін дамыту, қоғамға қызмет ету және жеке жауапкершілік мәселелері талқыланды.

Подкаст 370 мың қаралым жинап, жастар мен университет қызметкерлері арасында үлкен қызығушылық тудырды. Іс-шара нәтижесінде көрермендердің Президенттік жастар кадрлық резерві бағдарламасы туралы ақпараттануы артты, ал жас ғалымдар мен мамандардың мемлекеттік басқару жүйесіне қатысуға мотивациясы күшейді.

Бұл бастама әл-Фараби атындағы Қазақ ұлттық университетінің тұрақты даму мақсаттарын, соның ішінде ТДМ 4 – «Сапалы білім беру» мақсаттарын жүзеге асыруға нақты үлесі болып табылады және ғылымға негізделген басқару мәдениетін қалыптастырудағы маңызды қадам ретінде қарастырылады.

- #SDG #SustainableDevelopment #THEImpact#KazNU #SDG_KazNU #SustainableKazNU

- SDG4: #SDG4 #QualityEducation