Химия ғылымдарының кандидаты Головченко Ольга Юрьевна «Ерен еңбегі үшін» мемлекеттік медалімен марапатталды

Әл-Фараби атындағы Қазақ ұлттық университетінің Химия және химиялық технология факультетінің Химиялық физика және материалтану кафедрасының оқытушысы, химия ғылымдарының кандидаты Головченко Ольга Юрьевна жоғары мемлекеттік награда — «Ерен еңбегі үшін» медалімен марапатталды. Бұл марапат оның көпжылдық адал еңбегінің, жоғары кәсібилігінің, ғылыми және педагогикалық қызметінің, сондай-ақ еліміздің білім беруі мен ғылымын дамытуға қосқан елеулі үлесінің белгісі болып табылады.

Ольга Юрьевна көптеген жылдар бойы химия және материалтану саласында жоғары білікті мамандар даярлау бағытында ғылыми-зерттеу және оқу-әдістемелік жұмыстарды табысты жүргізіп келеді. Оның кәсіби қызметі жоғары жауапкершілікпен, өз ісіне деген адалдықпен және студенттер мен жас ғалымдарға қамқорлықпен ерекшеленеді.

Алғашқыда бұл материал Ольга Юрьевнаның қыркүйек айында атап өтілген мерейтойына орай жариялануы жоспарланған болатын. Алайда марапаттың жаңа жыл қарсаңында табысталуы бұл оқиғаға ерекше символдық мән беріп, оның ұзақ жылғы еңбегінің лайықты қорытындысы ретінде қабылданды.

Химия және химиялық технология факультеті мен Химиялық физика және материалтану кафедрасы Ольга Юрьевнаның университеттің ғылыми және оқу үдерісін дамытуға қосқан еңбегін жоғары бағалайды. Оның жетістіктері факультеттің ғылыми әлеуетін нығайтуға және химия ғылымының басым бағыттарын ілгерілетуге өз үлесін қосуда.