ТДМ -9 және ТДМ - 11 шеңберінде Хамит Нұржан Ержанұлы докторлық диссертациясын алдын ала қорғау

2026 жылғы 23 қаңтар, сағат 14:00-де әл-Фараби атындағы Қазақ ұлттық университетінің География және табиғатты пайдалану факультетінде Тұрақты даму мақсаттары бойынша ғылыми семинар аясында Хамит Нұржан Ержанұлының докторлық диссертациясының алдын ала қорғауы өтті. Бұл қорғау ТДМ-9 «Индустрияландыру, инновациялар және инфрақұрылым» және ТДМ-11 «Тұрақты қалалар мен қауымдастықтар» аясында ұйымдастырылды. Бұл диссертациялық жұмыс тақырыбы: «Аэроғарыштық және геодезиялық әдістерді қолдана отырып, Алматы метрополитенінің геодинамикалық процестерін зерттеу әдістемесін әзірлеу», және ол 8D07302 – Геоинформатика білім беру бағдарламасы бойынша философия докторы (Ph.D.) дәрежесін алу үшін ұсынылды. Қорғау гибридті форматта өткізілді.

Диссертациялық жұмыс Тұрақты даму мақсаты № 9 (Индустрияландыру, инновациялар және инфрақұрылым) аясында жүзеге асырылып, тұрақты көлік инфрақұрылымын қалыптастыруға бағытталған. Заманауи геодезиялық және аэроғарыштық технологияларды қолдану Алматы метрополитенінің тоннельдері мен станциялары аймағындағы геодинамикалық жағдайды бақылауға, инфрақұрылымның сенімділігін арттыруға және эксплуатация қауіпсіздігін қамтамасыз етуге мүмкіндік береді.

Сонымен қатар, зерттеу Тұрақты даму мақсаты № 11 (Тұрақты қалалар мен қауымдастықтар) талаптарына сәйкес, урбанизация үдерістерінің экологиялық және әлеуметтік теңгерімділігін қамтамасыз етуге ықпал етеді. Бұл урбанистік инфрақұрылымды жүйелі дамыту, көлік жүйесін оңтайландыру және қоршаған ортаға түсетін антропогендік жүктемені азайту арқылы іске асады.

Алдын ала қорғау барысында ізденуші зерттеудің негізгі нәтижелерін таныстырып, жұмыстың ғылыми жаңалығын және практикалық маңыздылығын дәлелдеді, сондай-ақ ғылыми кеңесшілер мен рецензенттердің сұрақтарына жауап берді. Талқылау қорытындысы бойынша диссертациялық жұмысқа оң баға беріліп, айтылған ескертулерді ескере отырып, оны келесі қорғауға ұсыну ұсынылды.

Ғылыми кеңесшілер:

• Джангулова Г.К. — техника ғылымдарының кандидаты, қауымдастырылған профессор (Алматы, Қазақстан)
• Шетелдік ғылыми кеңесші — Наджи Йыстыклы, PhD, профессор (Стамбул, Түркия Республикасы)

Рецензенттер:

• Бисенгалиев А.И. — техника ғылымдарының кандидаты, әл-Фараби атындағы ҚазҰУ-дың Тұрақты даму бойынша ЮНЕСКО кафедрасының аға оқытушысы (Алматы, Қазақстан)
• Мурсалимова Э.А. — биология ғылымдарының кандидаты, «Жер ресурстары және кадастр» кафедрасының қауымдастырылған профессоры, КазНАИУ (Алматы, Қазақстан)