«ТАЗА ҚАЗАҚСТАН – САНАЛЫ ҰРПАҚ ТАҢДАУЫ»

2026 жылғы 11 ақпанда Әл-Фараби атындағы Қазақ ұлттық университеті-нің Химия және химиялық технология факультетінде «Таза Қазақстан – саналы ұрпақ таңдауы» тақырыбында танымдық семинар ұйымдастырылды. Семинардың мақсаты – студенттерге экологиялық мәдениетті қалыптастыру, қоршаған ортаны қорғауға деген жауапкершілікті арттыру және Мемлекет басшысының 2024–2029 жылдарға арналған «Таза Қазақстан» тұжырымдамасының негізгі бағыттарын түсіндіру болып табылады.

Іс-шараға География және табиғатты пайдалану факультетінің «Тұрақты даму бойынша ЮНЕСКО» кафедрасының доценті Таныбаева Айнур Кабдрасуловна арнайы қатысып, мазмұнды баяндама жасады.

Семинар барысында спикер Мемлекет басшысының 2024–2029 жылдарға арналған «Таза Қазақстан» экологиялық мәдениетті дамыту тұжырымдамасының негізгі бағыттарына тоқталып, қоғамда экологиялық жауапкершілікті арттыру, табиғатты ұқыпты пайдалану және қоршаған ортаны қорғау мәдениетін қалыптастыру мәселелерін кеңінен түсіндірді.

Сонымен қатар, e-Gov порталында қолжетімді «Жалпыұлттық экологиялық акция» сервисі туралы ақпарат беріліп, аталған платформа арқылы азаматтардың экологиялық бастамаларға қатысу мүмкіндіктері таныстырылды. Қоршаған ортаны қорғау, тұрмыстық қалдықтарды азайту, экологиялық сауаттылықты арттыру және тұрақты даму қағидаттарын білім беру жүйесіне енгізу мәселелері де қозғалды.

Семинар барысында студенттер мен оқытушылар өзара пікір алмасып, экологиялық мәдениетті қалыптастыру жолдары жөнінде ұсыныстарын білдірді. Іс-шара қатысушылардың қоршаған ортаға деген жауапкершілігін арттырып, «Таза Қазақстан» бастамасының маңыздылығын терең түсінуге мүмкіндік берді.

Факультеттің әлеуметтік-тәрбие жұмыстары жөніндегі декан орынбасары