ШЫҒЫСТАНУ ФАКУЛЬТЕТІНДЕГІ АШЫҚ ЕСІК КҮНІ: Болашақ мамандықты таңдауға қадам

2026 жылдың 26 ​​наурызында әл-Фараби атындағы ҚазҰУ шығыстану факультетінің Қиыр Шығыс кафедрасы факультеттің білім беру бағдарламаларымен таныстыруға, болашақ студенттерді қабылдауға және мектеп оқушыларына болашақ мамандығын таңдауда кәсіби бағдар беруге бағытталған Ашық есік күнін өткізді. Іс-шара үлкен қызығушылық тудырды: Алматы мен Алматы облысынан 150 жуық мектеп оқушысы қатысты.

Қонақтар кафедраның білім беру ортасымен танысып, корей тілін, мәдениетін және мәдениаралық коммуникацияны зерттеудің  перспективалары туралы білуге ерекше мүмкіндік алды.

Корея Республикасының жетекші университеттерімен бірлесіп жүзеге асырылатын стипендиялық бағдарламалар мен академиялық мобильділік мүмкіндіктері туралы ақпарат ерекше қызығушылық тудырды. Шығыстану факультетінің аға оқытушысы Серикбаева З.А. жетекшілігімен  «Шығыстану» мамандығында оқитын үшінші курс студенттері Мұратбек Айда, Өмірбек Разия, Сағын Айкүміс, Саметқан Тоғжан және Талғат Аружан іс-шараны ұйымдастыруда және өткізуде маңызды рөл атқарды. Студеннтер өте қызықты интерактивті бағдарлама дайындады. Студенттер дәстүрлі корей тағамы токпоккиді дайындап, қонақтарға сусындар ұсынып, сыйлықтармен интерактивті сессиялар өткізді. Бұл формат қатысушыларға тек пайдалы ақпарат алуға ғана емес, сонымен қатар студенттік өмірдің атмосферасын сезінуге мүмкіндік берді.

Аталған іс-шараның өткізуге демеушілік еткен «VCA» компаниясы өз өнімдерін ұсынды. Танымал корей тағамдарын дәм тату кезеңі Ашық есік күні  бағдарламасының ең жарқын және есте қаларлық элементтерінің бірі болды.

Бағдарламаның шығармашылық бөлігіне студенттердің жарқын өнер көрсетулері кірді: корей ұлттық биі, вокалдық нөмірлер және басқа да сахналық қойылымдар. Бұл элементтер тек академиялық қана емес, сонымен қатар кафедра ұсынатын мәдени мүмкіндіктерді де көрсетті.

Ашық есік күні жылы әрі достық атмосферада өтті. Қатысушылар бағдарламаның жоғары деңгейде ұйымдастырылып, болашақ мамандықты таңдауда құнды ақпарат алғандары туралы атап өтті.

Қиыр Шығыстану кафедрасы барлық қатысушыларға, ұйымдастырушыларға және іс-шараның демеушісі «LLC» компаниясының директоры Шамшидинова Дина Мұратқызына алғысын білдіріп, болашақта студенттерінің қатарынан бүгінгі мектеп оқушыларын көруге үміттенеді.